Jonas 2:1-10
2 Nang magkagayon ay nanalangin si Jonas kay Jehova na kaniyang Diyos mula sa mga panloob na bahagi ng isda+
2 at nagsabi:“Dahil sa aking kabagabagan ay tumawag ako kay Jehova,+ at sumagot siya sa akin.+Mula sa tiyan ng Sheol ay humingi ako ng tulong.+Narinig mo ang aking tinig.+
3 Nang ihagis mo ako sa mga kalaliman, sa kalagitnaan ng laot ng dagat,+Nang magkagayon ay pinalibutan ako ng isang ilog.Ang lahat ng mga daluyong mo at mga alon mo—dumaan sa ibabaw ko ang mga iyon.+
4 At kung tungkol sa akin, sinabi ko, ‘Pinalayas ako mula sa harap ng iyong mga mata!+Paano ako muling makatititig sa iyong banal na templo?’+
5 Pinalibutan ako ng tubig hanggang sa kaluluwa;+ patuloy akong kinukulong ng matubig na kalaliman.Ang mga damong dagat ay nakapulupot sa aking ulo.
6 Sa mga pinakaibaba ng mga bundok ay bumaba ako.Kung tungkol sa lupa, ang mga halang nito ay sumasaakin sa panahong walang takda.Ngunit mula sa hukay ay iniahon mo ang aking buhay, O Jehova na aking Diyos.+
7 Nang ang aking kaluluwa ay manlupaypay sa loob ko,+ si Jehova ang Isa na naalaala ko.+Sa gayon ay dumating sa iyo ang aking panalangin, sa loob ng iyong banal na templo.+
8 Kung tungkol sa mga nagmamasid sa mga idolong di-totoo, iniiwan nila ang kanilang maibiging-kabaitan.+
9 Ngunit kung tungkol sa akin, sa pamamagitan ng tinig ng pasasalamat ay maghahain ako sa iyo.+Kung ano ang aking ipinanata ay tutuparin ko.+ Ang kaligtasan ay kay Jehova.”+
10 Sa kalaunan ay inutusan ni Jehova ang isda, kaya iniluwa nito si Jonas sa tuyong lupa.+
