ናብ ትሕዝቶ ኺድ

2024

ዝኽሪ ሞት የሱስ

መስዋእቱ ንዓኻ እንታይ ትርጉም ኣለዎ፧

ናብዚ ኽልተ መደብ ብኽብሪ ንዕድመካ፦

  • ፍሉይ መጽሓፍ ቅዱሳዊ መደረ፡ “ትንሳኤ—ኣብ ልዕሊ ሞት ዚርከብ ዓወት!”

  • ዝኽሪ ሞት የሱስ

ዝኽሪ ሞት የሱስ

ሰንበት 24 መጋቢት 2024፡ ብጎርጎርዮሳዊ ኣቈጻጽራ፣ ሰንበት 15 መጋቢት 2016፡ ብግእዛዊ ኣቈጻጽራ

ዝኽሪ ሞት የሱስ ናይ የሆዋ መሰኻኽር ከምቲ የሱስ ዝኣዘዞም፡ ዓመት ዓመት ዝኽሪ ሞቱ የብዕሉ እዮም። ከመይሲ፡ ንሱ ኸምዚ ዚስዕብ ኢሉ ነይሩ፦ “እዚ ንመዘከርታይ ኪኸውን ብቐጻሊ ግበርዎ።” —ሉቃስ 22:19

በዓል ዝኽሪ ድለ

ፍሉይ መጽሓፍ ቅዱሳዊ መደረ

“ትንሳኤ — ኣብ ልዕሊ ሞት ዚርከብ ዓወት!”

እዚ መደረ እዚ፡ ቅድሚ በዓል ዝኽሪ ኣብ ዘሎ መወዳእታ ሰሙን እዩ ዚውሃብ። እቲ ተዛራባይ ትንሳኤ ንዓኻን ንሰብካን እንታይ ትርጉም ከም ዘለዎ ኺገልጽ እዩ።

ብተደጋጋሚ ዚሕተት ሕቶታት

እቲ መደብ ክንደይ ሰዓት ይወስድ፧

ሓደ ሰዓት ኣቢሉ ይወስድ።

ኣበይ እዩ ኺብዓል፧

ዝርዝር ሓበሬታ ንምፍላጥ፡ ምስ ናይ የሆዋ መሰኻኽር ተራኸብ።

ክትእከብ ክፍሊት የድሊ ድዩ፧

ኣየድልን።

እናዞርካ ገንዘብ ይእከብ ድዩ፧

ኣይፋልን። ናይ የሆዋ መሰኻኽር ኣብ ኣኼባታቶም እናዞሩ ገንዘብ ኣይእክቡን እዮም።

እተፈልየ ዓይነት ኣከዳድና የድሊ ድዩ፧

ነዚ በዓል እዚ እተፈልየ ኣከዳድና ዘየድሊ እኳ እንተ ዀነ፡ ናይ የሆዋ መሰኻኽር ነቲ መጽሓፍ ቅዱስ ትሕትናን ኣኽብሮትን ዜርኢ ኣከዳድና ኽንክደን ዚህቦ ምኽሪ ኺስዕቡ ይጽዕሩ እዮም። (1 ጢሞቴዎስ 2:⁠9) ክቡር ዝዋጋኡ ኽዳን ክትክደን ኣየድልየካን እዩ።

ኣብ በዓል ዝኽሪ እንታይ እዩ ዚግበር፧

እቲ ኣኼባ ዚጅመርን ዚዛዘምን ብመዝሙርን ኣገልገልቲ ናይ የሆዋ መሰኻኽር ብዜቕርብዎ ጸሎትን እዩ። እቲ ኣብቲ በዓል ዝኽሪ ዚቐርብ ቀንዲ ኽፋል፡ ኣገዳስነት ሞት የሱስን ካብቲ ኣምላኽን ክርስቶስን ዝገበሩልና ብኸመይ ክንጥቀም ከም እንኽእልን ዚገልጽ እዩ።

ኣብ መጻኢ በዓል ዝኽሪ መዓስ እዩ ዚብዓል፧

2024፦ ሰንበት 24 መጋቢት

2025፦ ቀዳም 12 ሚያዝያ

2026፦ ሓሙስ 2 ሚያዝያ

ብዝያዳ ኽትፈልጥ እንተ ደሊኻ፡ ነዚ ዚስዕብ ቪድዮታት ርአ፦

ሞት የሱስ ዘክር

ሳላ ሞት የሱስ እንታይ ዜደንቕ መጻኢ ተዳልዩልና ኸም ዘሎ ርአ።

የሱስ ዝሞተ ስለምንታይ እዩ፧

የሱስ ምእንቲ ሓጢኣትና ኸም ዝሞተ ሰሚዕካ ትኸውን ኢኻ። ግናኸ፡ መስዋእቲ ሓደ ሰብሲ ብሓቂዶ ንሚልዮናት ኪጠቕሞም ይኽእል እዩ፧

ወረቐት ዕድመ ኣራግፍ።