Hamia kwenye habari

Hamia kwenye yaliyomo

Maelezo Mafupi Kuhusu Kikundi cha Kidini

Maelezo Mafupi Kuhusu Kikundi cha Kidini

 Maelezo Mafupi Kuhusu Kikundi cha Kidini

Philip mwenye umri wa miaka 15, alipewa mgawo wa kuchunguza na kutoa ripoti juu ya michezo, siasa, utamaduni, au vikundi vya kidini katika Sydney, jiji lake la nyumbani, nchini Australia. Mgawo huo ulikuwa sehemu ya somo lake la jiografia katika shule ya sekondari. Philip aliamua kuandika ripoti kuhusu kutaniko la Mashahidi wa Yehova, ambapo yeye na familia yake hushiriki. Wanafunzi hao waliagizwa wazungumze na washiriki 20 wa kikundi walichochagua ili kupata, miongoni mwa mambo mengine, habari fupi kuhusu “sifa mbalimbali za kikundi hicho.”

Baada ya kukusanya matokeo ya uchunguzi wake, Philip aliandika hivi: “Kutaniko la Mashahidi wa Yehova ni tengenezo la kidini linalokutana hasa kwa kusudi la kujifunza Biblia. Wakati wa mikutano hiyo, maandiko ya Biblia husomwa kisha hufafanuliwa. Mikutano hiyo pia hukusudia kutufundisha njia bora zaidi ya kuwafundisha wengine kuhusu Biblia. Jambo hilo hufanywa kwa kuwatembelea watu nyumbani kwao ambapo wao huwa wamestarehe. Washiriki wote wa kikundi hicho hushiriki katika kazi hiyo kwa kawaida, kwa viwango mbalimbali, kulingana na hali zao. Zaidi ya kujifunza Biblia wenyewe na kuwafundisha wengine, kikundi hicho pia husaidia kugawia watu majarida ya karibuni ya Mnara wa Mlinzi na Amkeni!, ambayo huwa na makala zenye kupendeza kuhusu mambo ya asili, historia, na masuala ya ulimwengu na yale yanayotuhusu. Pia sisi hujitahidi kuwategemeza watu walioshuka moyo baada ya misiba mibaya ya ulimwengu, kama vile msiba wa Septemba 11, nasi huwapa vichapo vya kuwasaidia vinavyozungumzia mambo kama vile ndoa, maisha ya familia, na vijana.”

Kwa sababu ya kiwango cha uchunguzi wake na jinsi alivyotoa ripoti yake, Philip alipata alama ya juu zaidi. Ikiwa ungependa kujifunza mengi zaidi kuhusu kazi ambayo hufanywa na Mashahidi wa Yehova, zungumza nao wakati ujao watakapokutembelea au uwasiliane nao kwa kutumia anwani iliyo karibu nawe iliyoorodheshwa katika ukurasa wa 5.

[Picha katika ukurasa wa 16]

Philip

[Picha katika ukurasa wa 16]

Italia

[Picha katika ukurasa wa 16]

Australia

[Picha katika ukurasa wa 16]

Brazili

[Picha katika ukurasa wa 16]

Uholanzi