Yohaannisi Ajuuja 10:1-11
10 Anino gomicho uddiꞌrinohu* wolu jawaatu sokkaasinchi gordunni dirranna laummo; umisira magani-seemo no; albisi arrishsho lawanno; lekkasino giirate heelliicho labbanno;
2 faꞌnante noota mitte shiima xaaxo anga amade no. Qiniiticho lekkasinni baara, guracho lekkasinni kayinni baatto kaxxi;
3 qoleno, ittananno doobbiichi gede lowo huuronni xadhi. Isi xadhi woyiteno, lamalunku beleqi huuro coyidhu.
4 Lamalunku beleqi coyiꞌrita borreessammora qixxaawummo; ikkollana “Lamalunku beleqi coyiꞌrinore cuffe sumuda sumudi ikkinnina borreessitooti” yitanno huuro gordunni macciishshummo.
5 Baarunna baattote aana uurre nooha laummo sokkaasinchi qiniiticho angasi iima qole kayisi;
6 gordonna giddosi noore, baattonna baattote aana noore hattono baaranna baaru giddo noore kalaqinohunna hegere hegerera heeꞌrannohu suꞌminni xaare togo yii: “Xaate dikeeshshanno.
7 Ikkollana lamalki sokkaasinchi xurumbasi ufuufara qixxaawe noo yannara, Maganu borojjesi ikkitino masaalaanora danchu duduwi gede asse kulinoti qullaawa fojo addinta gumulantanno.”
8 Gordunni daggino huuro xaano hasaawissannae macciishshummo; togo yitue: “Hadhe baarunna baattote aana uurre noo sokkaasinchi anga noota faꞌnantino xaaxo haaꞌri.”
9 Anino sokkaasinchunniwa maꞌre shiima xaaxo uue yuummo. Isino, “Adhite iti; godowakki qaraaro assitanno; afiikkira kayinni malawimma coommitanno” yiie.
10 Anino hattenne shiima xaaxo sokkaasinchu anganni adhe itummo; iseno afiiꞌyara malawimma coommitue; itummohu gedensaanni kayinni godowiꞌya qaraaro ikki.
11 Insano, “Gosate, dagate, addi addi qaali* daafiranna batinye mootoolla daafira xaano masaalo coyiꞌra hasiissannohe” yitue.
