Soma ibirimo

Jya kuri meni ya kabiri

Abahamya ba Yehova

Ikinyarwanda

Igitabo cy’Ibyahishuwe gisobanura iki?

Igitabo cy’Ibyahishuwe gisobanura iki?

Icyo Bibiliya ibivugaho

Izina ry’igitabo cya Bibiliya cy’Ibyahishuwe mu kigiriki (A·po·ka′ly·psis), risobanura “guhishura.” Iryo zina ryumvikanisha ibisobanuro by’igitabo cy’Ibyahishuwe: gihishura ibyari byarahishwe kandi kikavuga ibintu byagombaga gusohora nyuma y’igihe kinini byanditswe. Ubuhanuzi bwinshi buvugwa muri icyo gitabo ntiburasohora.

Umusogongero w’igitabo cy’Ibyahishuwe

Ibyagufasha gusobanukirwa igitabo cy’Ibyahishuwe

  1. Ibyo kivuga bitanga ihumure; si ibyo guhahamura cyangwa gutera ubwoba abakorera Imana. Nubwo abantu benshi iyo bumvise ijambo “ibyahishuwe” (mu kigiriki A·po·ka′ly·psis) bahita batekereza ibyago bikomeye, igitabo cy’Ibyahishuwe kuva mu ntangiriro kugeza ku musozo wacyo, kivuga ko abasoma ibivugwamo, bakabisobanukirwa kandi bakabikurikiza bazabona ibyishimo.Ibyahishuwe 1:3; 22:7.

  2. Igitabo cy’Ibyahishuwe gikoresha ‘ibimenyetso’ byinshi, bitagomba gufatwa uko byakabaye.Ibyahishuwe 1:1.

  3. Ibintu by’ingenzi byinshi n’ibimenyetso bivugwa mu gitabo cy’Ibyahishuwe, biba byaravuzwe no mu bindi bitabo bya Bibiliya:

  4. Iyerekwa rivugwamo ryerekezaga “ku munsi w’Umwami,” watangiye igihe Ubwami bw’Imana bwimikwaga mu mwaka wa 1914 kandi Yesu agatangira gutegeka ari Umwami (Ibyahishuwe 1:10). Ku bw’ibyo, dushobora kwitega ko ubuhanuzi bw’ingenzi bwo mu Byahishuwe busohora muri iki gihe turimo.

  5. Icyo dukeneye kugira ngo dusobanukirwe igitabo cy’Ibyahishuwe, ari na cyo kidufasha gusobanukirwa Bibiliya yose, ni ubwenge buva ku Mana no gufashwa n’abantu basanzwe bayisobanukiwe.Ibyakozwe 8:26-39; Yakobo 1:5.

IBINDI WAMENYA

UMUNARA W’UMURINZI

Ese wagombye gutinya imperuka?

Umenye ibyo Bibiliya ivuga ku birebana n’imperuka bishobora kugutangaza cyane..

IBIBAZO BISHINGIYE KURI BIBILIYA

Ni iki cyagufasha gusobanukirwa Bibiliya?

Aho waba waravukiye hose, ushobora gusobanukirwa ubutumwa Imana yandikishije mu Byanditswe Byera.