Soma ibirimo

DUKOMEZWA NO KWIZERA

Ikoraniro ry’iminsi itatu ry’Abahamya ba Yehova ryo mu mwaka wa 2021

Tunejejwe no kugutumira ngo uzakurikire ikoraniro ry’iminsi itatu ry’Abahamya ba Yehova ryo muri uyu mwaka. Kubera icyorezo cya COVID-19, abantu bazakurikira ikoraniro ryo muri uyu mwaka rizashyirwa kuri jw.org. Ibyiciro by’iryo koraniro bizashyirwaho mu kwezi kwa karindwi n’ukwa munani.

IBIKUBIYEMO

  • Ku wa Gatanu: Tuzareba impamvu tugomba kwizera ko Imana iriho, tukemera ko Ijambo ryayo ari ukuri, amahame mbwirizamuco yayo arangwa n’ubwenge kandi ko idukunda. Tuzasuzuma ukuntu ibyaremwe bidufasha kwiringira amasezerano Imana itanga.

  • Ku wa Gatandatu: Kuki Abahamya ba Yehova bakomeza kubwiriza? Tuzareba ukuntu umurimo bakora ufasha abantu bo hirya no hino ku isi.

  • Ku Cyumweru: “Ubutumwa bwiza” ni iki (Mariko 1:14, 15)? Ese ushobora kubwizera? Uzatege amatwi disikuru ishingiye kuri Bibiliya ifite umutwe uvuga ngo: “Mwizere ubutumwa bwiza.”

  • Firimi ishingiye kuri Bibiliya: Hari inkuru zo muri Bibiliya zishishikaza abazisoma urugero nk’inkuru y’umuhanuzi Daniyeli. Mu bice bibiri bya firimi izerekanwa ku wa Gatandatu no ku Cyumweru, uzirebere ukuntu Daniyeli yitwaye mu gihe yari ahanganye n’ibigeragezo, ibishuko no gusererezwa.

NI UBUNTU

SI NGOMBWA KO UFUNGURA KONTI CYANGWA NGO WIYANDIKISHE

Reba porogaramu yose, unarebe videwo ivuga iby’ikoraniro ry’iminsi itatu ryo mu mwaka 2021.