Importantin maong imay agawan unonan Paskua. Diad saman ya labi, oniay imbaga na Faraon ed si Moises nen naamtaan ton inatey so panguloan ya anak to: “La kayo la, taynan yo iray totook, sikayo tan saray arum nin Israelita. La kayo la tan manlingkor kayo ed si Jehova, unong ya imbaga yo.” (Ex 12:31) Impanengneng nen Jehova ya proprotektaan to ray totoo to.

No nengnengen tayoy history na totoo nen Jehova diad modernon panaon, malinlinew ya tuloytuloy iran igigiya tan proprotektaan nen Jehova. Nipaimano iya diad museum ed world headquarters ya tinawag ya “Saray Totoon Parad Ngaran nen Jehova.”

BANTAYAN SO VIDEO YA PAN-TOUR ED WARWICK MUSEUM: “SARAY TOTOON PARAD NGARAN NEN JEHOVA,” INSAN EBATAN IRAYA:

• Anton nikaduman paraan so inusar na saray Estudyante na Biblia nen 1914 pian natulongan iray totoo ya ombiskeg so pananisia ra ed Biblia, tan anto ray maabig ya resulta na satan?

• Anto ray agawan subok nen 1916 tan 1918, tan antoy ebidensya ya igigiya nen Jehova so organisasyon to?

• Panon ya nansiansian matoor iray totoo nen Jehova anggano wala ray onsusumpa?

• Anton balon pakatalos so naamtaan na saray totoo nen Jehova nen 1935, tan antoy epekto na satan ed sikara?

• No asalim lay nan-tour ed sayan museum, antoy anengneng mo ya amabiskeg na pananisiam ya igigiya tan proprotektaan nen Jehova iray totoo to?