12:5-7, 12, 13, 24-27

Pian agnapilanor iray Israelita ed komasamplon salot, importante ya unoren da iray instruksion. (Ex 12:28) Diad labi na Nisan 14, nepeg ya mantitipon iray pamilya diad mismon abung da. Mamatey ira na sakey taon ya kalakian a karnero odino kanding ya anggapoy depekto to. Say dala na satan et iwalsik da ed saray lusek na puerta tan diad bandad tagey na puerta. Insan da ikalot so ayep tan apuraen dan kanen itan. Nepeg ya anggapoy ompaway ed abung da anggad kabuasan.​—Ex 12:9-11, 22.

Anto ray espisipikon paraan ya naprotektaan itayo natan no ontulok itayo?