(Kapaut: 1:11:01)

Naikkan da Jose ken Maria iti naidumduma a pribilehio a mangpadakkel ken Jesus a maysa a naisangsangayan nga ubing. Karaman iti daytoy nga episode dagitoy a salaysay:

• Ti Sao ket kadua ti Dios sipud idi un-unana ken isu ket maysa a dios (Juan 1:1, 2)

• Ti Sao ket inusar ti Dios a mangparsua iti amin a dadduma a banag (Juan 1:3a)

• Napaadda ti biag ken lawag babaen ti Sao (Juan 1:3b, 4)

• Saan a kaya a ringbawan ti sipnget ti lawag (Juan 1:5)

• Nangipaay ni Lucas iti impormasion no apay nga insuratna ti salaysayna nga inturongna ken Teofilo (Lucas 1:1-4)

• Impakpakauna ni Gabriel ti pannakayanak ni Juan a Mammautisar (Lucas 1:5-25)

• Impakpakauna ni Gabriel ti pannakayanak ni Jesus (Lucas 1:26-38)

• Binisita ni Maria ti kabagianna a ni Elisabet (Lucas 1:39-45)

• Indaydayaw ni Maria ni Jehova (Lucas 1:46-56)

• Nayanak ken napanaganan ni Juan (Lucas 1:57-66)

• Padto ni Zacarias (Lucas 1:67-80)

• Nagsikog ni Maria babaen ti nasantuan nga espiritu; ti reaksion ni Jose (Mateo 1:18-25)

• Napan da Jose ken Maria idiay Betlehem; nayanak ni Jesus (Lucas 2:1-7)

• Nagparang dagiti anghel kadagiti papastor nga adda iti away (Lucas 2:8-14)

• Napan dagiti papastor iti kulluong (Lucas 2:15-20)

• Naiparang ni Jesus ken Jehova idiay templo (Lucas 2:21-24)

• Naikkan ni Simeon iti pribilehio a makita ti Kristo (Lucas 2:25-35)

• Nagsao ni Ana maipapan iti ubing (Lucas 2:36-38)

• Bimmisita dagiti astrologo ken ti plano ni Herodes a mangpapatay iti ubing pay a ni Jesus (Mateo 2:1-12)

• Innala ni Jose ni Maria ken ni Jesus sa napanda idiay Egipto (Mateo 2:13-15)

• Pinapatay ni Herodes dagiti ubbing a lallaki iti Betlehem ken iti aglawlawna (Mateo 2:16-18)

• Nagyan ti pamilia ni Jesus iti Nazaret (Mateo 2:19-23; Lucas 2:39, 40)

• Ti dose ti tawenna a ni Jesus idiay templo (Lucas 2:41-50)

• Nagsubli ni Jesus iti Nazaret a kadua ti nagannakna (Lucas 2:51, 52)

• Ti pudno a silaw ket asidegen nga umay iti lubong (Juan 1:9)