Kitaabni Qulqulluun yaadawwan ogummaa irratti hundaaʼan hedduu qabateera. Haa taʼu malee, Kitaabni Qulqulluun waaʼee ofii isaa “Kitaabni Qulqulluun hundi geggeessaa hafuura Waaqayyootiin . . . barreeffame” akka jedhu hubadhu. (2 Ximotewos 3:16) Ragaaleen yaanni kun dhugaa taʼuu isaa mirkaneessan hedduun jiru. Yaadawwan armaan gadii ilaalaa:

•   Namni seenaawwan Kitaaba Qulqulluu keessatti ibsaman dhugaa akka hin taane mirkaneessuu dandaʼe tokko illee hin jiru.

•   Namoonni Kitaaba Qulqulluu barreessan namoota amanamoo iftoomina guddaadhaan barreessan turan. Iftoominni isaanii kun immoo wanti isaan barreessan dhugaa taʼuu isaa mirkaneessa.

•   Kitaabni Qulqulluun dhaamsa tokko qaba: Waaqayyo ilmaan namootaa bulchuuf mirga akka qabu akka mirkaneeffamu gochuu fi Mootummaa isaa samiitti fayyadamee kaayyoo isaa akka galmaan gaʼu kan ibsu dha.

•   Kitaabni Qulqulluun waggoota kumaan lakkaaʼaman dura kan barreeffame taʼu illee, ilaalchawwan saayinsii bara durii dogoggora taʼanii fi balʼinaan fudhatama argatanii turan irraa walaba dha.

•   Seenaawwan galmeeffaman akka mirkaneessanitti raajiiwwan Kitaaba Qulqulluu raawwatamaniiru.