1 Samweli 29:1-11
-
Aina Filisti yakana ukutaila Devedi (1-11)
29 Aina Filisti+ yakolonganike asilika yao yonsi umu Afeki, ala Ina Izlaeli nayo iyapangila inkambi umupiipi na kafukoka ka mu Yezileele.+
2 Nupya ya kateeka ya Ina Filisti yapitanga na maumba yao umwali antu maandiledi nu mwali antu masauzandi, nupya Devedi na antu yakwe yayalondelanga ala yali pa cisila na Akishi.+
3 Ya cilolo ya Ina Filisti yuzizye iyati: “U mulandu ci uno Aebele yaa yayelile kuno?” Akishi nawe waswike ya cilolo ya Ina Filisti ati: “Wii a Devedi umuomvi wakwe Saulo umwene wa Ina Izlaeli, wataikala nani pa mwaka onga nu kucilapo.+ Ntaazanamo iciipe icili consi muli aliwe kufuma pa wanda uno wizile kuli nene ukufika na ndakai.”
4 Lelo ya cilolo ya Ina Filisti yasokiile Akishi nupya yamunenyile iyati: “Leka umuntu wii aswilile.+ Leka aye uku ncende ino wamupeela. Utaleka apite naswe,+ pano angaya akatukatukile umu ulwi nu kutemwikwa uku mwene wakwe ndi cakuti wamutwalila imitwe ya yantu itu.
5 Uzye wi asi a Devedi wino yacinilanga nu kwimbila iyati:
‘Saulo watakoma alwani masauzandi,Devedi nawe watakoma alwani masauzandi 10 sauzandi’?”+
6 Fwandi Akishi+ wamile Devedi nu kumunena ati: “Nkulapa umwi zina lyakwe Yeova Leza wa umi nkuti wewe mulungami nupya inuvwa ningo pa kuya nawe umu ulwi pamwi na asilika yane+ pano ntaazanamo iciipe icili consi muli wewe ukufuma pa wanda uno wizile kuli nene ukufika na ndakai.+ Lelo ya kateeka yatakutaile.+
7 Swilila umu mutende, nupya utacita iciipe icili consi icingasosha ya kateeka ya Ina Filisti.”
8 Lelo Devedi uzizye Akishi ati: “I cani cino nacita? I ciipe ci cino watuzana muli ne muomvi wako kufuma pa wanda uno nizile kuli wewe ukufika na ndakai? U mulandu ci uno ntanga mpitile naawe umu kulwa na alwani yako we musambazi wane?”
9 Akishi waswike Devedi ati: “Kuli nene, waya wewe muntu musuma kwati a malaika wakwe Leza.+ Lelo ya cilolo ya Ina Filisti iyalanda iyati, ‘Utaleka apite naswe umu ulwi.’
10 Uce ukatuke mutondo katondotondo pamwi na aomvi ya musambazi wako yano wizile nayo; muce mukatuke katondotondo lino kwaswepa sile.”
11 Fwandi Devedi na antu yakwe, yakatwike katondotondo nu kuswilila uku mpanga ya Ina Filisti, nupya Aina Filisti yaile uku Yezileele.+
