1 Samweli 27:1-12
-
Aina Filisti yapeela Devedi umusumba wa Zikilagi (1-12)
27 Devedi welenginye ati: “Wanda umwi Saulo alankoma. Cino ndizile sile ukucita u kuutukila+ ku mpanga ya Ina Filisti; lyene Saulo alata ukundonda mu mpanga yonsi ya Ina Izlaeli,+ nupya ndapusuka kuli aliwe.”
2 Fwandi Devedi wakatwike pamwi na aonsi 600+ aali nawe nu kuya kuli Akishi+ mwana Maoki, umwene wa ku Gati.
3 Devedi na antu yano wali nayo iikazile na Akishi umu Gati, cila muntu wali na amu ng’anda yakwe. Devedi wali na ya mama yakwe yaili, kuli kuti Ainoamu+ Umwina Yezileele na Abigeo+ Umwina Kalimeli uwali a muka Nabali lino Nabali atatala wafwa.
4 Lino Saulo yamunenyile ukuti Devedi utukila uku Gati, watiile ukumulonda.+
5 Lyene Devedi wanenyile Akishi ati: “Ndi cakuti intemwikwa kuli wewe, leka yampeele incende mu musumba onga pa misumba yako pakuti akuno naikala. U mulandu ci uno umuomvi wako angaikalila umu musumba wa wene pamwi nawe?”
6 Fwandi Akishi wamupeezile umusumba wa Zikilagi+ pa wanda uuwa. Ali mulandu uno Zikilagi wayela u musumba wa yene ya Yayuda kufika na ndakai.
7 Devedi wikazile umu mpanga ya Ina Filisti pa mwaka onga ni myezi 4.+
8 Devedi na antu yakwe yayanga mu kuzanza Aina Geshuli,+ Aina Gilizi na Ina Amaleki,+ pano a ikalanga umu misumba iyatandikila umu Telamu ukufika uku Shuli+ nu kutentemukila umu mpanga ya Ijipti.
9 Lyonsi lino Devedi waya mu kuzanza impanga, wakomanga aonsi na anaci yonsi,+ nupya wasendanga imfwele, ing’ombe, ya punda, ingamila ni vyakuzwala, lyene pa cisila waswililanga kuli Akishi.
10 Lyene Akishi uzyanga ati: “Aekwi kuno uwaya umu kuzanza ilelo?” Devedi wasukanga ati: “Inaya uku kaeya* ka mpanga ya Yuda+ nanti inaya uku kaeya ka mpanga iya Yelameeli+ nanti inaya ku kaeya ka mpanga ya Ina Keni.”+
11 Devedi atashanga umonsi nanti umwanaci uwakuti angasenda uku Gati, walandanga ati: “Pano yangaya yakanene antu pali sweswe nu kulanda ukuti, ‘Vii avino Devedi wacisile.’ ” (Nupya vikwene avino wacitanga pa nsita yonsi ino wikalanga umu mpanga ya Ina Filisti)
12 Akishi wataile Devedi, welenganyanga ati: ‘Cumi kwene antu yakwe, Aina Izlaeli iyamupata, fwandi amatwalilila ukuya umuomvi wane.’
Mafutunoti
^ Nanti “ku Negebu.”
