Sefania 1:1-18
1 Ondjovo yaJehova oyo ye uya kuSefania,* omonamati waKus, omonamati waGedalia, omonamati waAmaria, omonamati waHiskia, pefimbo laJosia,+ omonamati waAmon,+ ohamba yaJuda, tai ti:
2 “Ohandi ka xulifa po filufilu oinima aishe oyo i li kombada yedu,” Jehova osho a ti.+
3 “Ohandi ka xulifa po ovanhu noifitukuti.
Ohandi ka xulifa po eedila dokeulu neeshi domefuta,+Nomandangalati*+ pamwe novakolokoshi,Nohandi ka hanauna po ovanhu kombada yedu,” Jehova osho a ti.
4 “Ohandi ka handukila JudaNovakalimo aveshe vomuJerusalem,Nohandi ka xulifa po monhele ei oshihongwafano* keshe shaBaal,+Ovapristeri voikalunga yokoilongo novapristeri ovashunimonima,+
5 Naavo have linyongamene komaminikilo okeulu* ve li pombada yomaumbo,+Nosho yo ovo hava ane koshipala shaJehova kutya otava kala ovadiinini kuye,+Ndele pefimbo opo tuu opo ohava ane kuMalkam kutya otava kala ovadiinini kuye.+
6 Naavo tava efa po okushikula Jehova+Nosho yo ovo ihava kongo Jehova, ile ihava kongo ewiliko kuye.”+
7 Kaleni mwa mwena koshipala shOmwene Jehova Omunamapangelo aeshe, osheshi efiku laJehova oli li popepi.+
Jehova okwa longekida eyambo, nokwa yapulifa ovo a shiva.
8 “Mefiku leyambo laJehova ohandi ka handukila omalenga,Ovanamati vohamba+ naaveshe ovo hava djala oikutu yokoilongo imwe.
9 Ohandi ka handukila keshe umwe oo ta londo komutune* mefiku olo,Ovo tava yadifa eumbo lomwene wavo oukolokoshi nosho yo oukengeleledi.”
10 Jehova osho a popya mefiku olo kutya,“POshivelo shEeshi otapa ka kala elilaano,+Elilaano otali ka dja mOshitukulwa Oshitivali shoshilando,+Nekuwaano linene otali ka dja koikulundudu.
11 Lileni nye ovakalimo vomuMaktes,*Molwaashi ovalumenhu aveshe ovo hava landifa* ova xulifwa po.*Aveshe ovo hava yeleke oshisilveri ova hanaunwa po.
12 Pefimbo olo, ohandi ka konga muJerusalem neelamba,Nohandi ka handukila ovo vehe na ko nasha,* ovo have lipopile momitima davo kutya,‘Jehova ita longo ouwa noita longo owii.’+
13 Oupuna wavo otau ka nyekwa ko nomaumbo avo otaa ka hanaunwa po.+
Otava ka tunga omaumbo, ndele itava kala mo,Notava ka twika oikunino yomandjebele, ndele itava ka nwa omaviinyu oo taa di mo.+
14 Efiku laJehova oli li popepi!+
Oli li popepi, notali fiki diva!*+
Efiku laJehova otali ka kala litilifi neenghono,+
Novakwaita otava ka kuwaana.+
15 Efiku olo efiku lehandu,+Efiku loudjuu nolouyehame,+Efiku loshikungulu nolehanauno,Efiku lomilaulu nolomidimbi+Efiku loilemo nolomilaulu fokofoko.+
16 Mefiku olo, ovanhu otava ka shika enghuma notava ka lilaana omolwoita,+Notava ka ponokela oilando yomakuma a pama neeshungongulu diledile, odo di li meehuke dekuma.+
17 Ohandi ka etela ovanhu oudjuu,Notava ka enda ngaashi ovapofi,+Molwaashi ova nyona kuJehova.+
Ohonde yavo otai ka tilwashi ngaashi ondwi,Nombelela* yavo ongaashi oshandja.+
18 Oshisilveri shavo noshingoli shavo itashi dulu oku va xupifa mefiku lehandu laJehova,+Osheshi omundilo wehandu laye otau ka xwika po edu alishe,+Molwaashi ota ka hanauna po aveshe ovo ve li kombada yedu nehanauno linyanyalifi.”+
Omashangelo opedu
^ Tali ti “Jehova a holeka (lenga).”
^ Sha hala okutya, oinima, ile oilonga oyo i na ekwatafano noikalunga.
^ Ile “efano.”
^ Eln., “ketangakwaita lokeulu.”
^ Ile “koshilyatelelo; koshivelo.” Tashi dulika komutune wolukalwapangelo lohamba.
^ Eln., “mwenekwa.”
^ Ile “shingifa.”
^ Tashi dulika oshitukulwa shaJerusalem osho sha li popepi nOshivelo shEeshi.
^ Eln., “ovo va fa edite lomaviinyu le liongela koshitako shoshipifilo.”
^ Ile “notali endelele neenghono.”
^ Eln., “Nomandjadja.”
