Jona 2:1-10
2 Opo nee Jona okwa ilikana kuJehova Kalunga kaye e li medimo loshi,+
2 ndele ta ti:
“Moudjuu wange onda ilikana kuJehova, ndele okwa nyamukula nge.+
Okudja moule* wOmbila* onda pula ekwafo+
Nowa uda ondaka yange.
3 Eshi wa ekela nge moule, koshi elela yefuta,Opo nee omakufikufi okwa twaalela nge.+
Omakufikufi oye aeshe e na eenghono okwa wilila nge po.+
4 Onghee onda tya, ‘Onda kufwa po pwoove.
Ohandi ka tala vali ngahelipi otembeli yoye iyapuki?’
5 Omeva okwa pona nge po nokwa tula omwenyo wange moshiponga.*+Onda ningina momeva male.
Oimeno oya li ye litangela komutwe wange.
6 Onda li nda ningina koshi yeemhunda.
Omivelo dedu oda li tadi idilile nge mo fiyo alushe.
Akutu! Ndele Jehova Kalunga kange owa kufa omwenyo wange melambo.+
7 Eshi nda li pokufya, onda dimbuluka Jehova.+
Opo nee eilikano lange ole uya kwoove motembeli yoye iyapuki.+
8 Ovo hava longele oikalunga yongaho, ova efa po odjo yavo yohole i na oudiinini.*
9 Ndele ame ohandi ku pandula nohandi ku yambele.
Eano olo nda ninga, ohandi li wanifa po.+
Exupifo ohali di kuJehova.”+
10 Lwanima, Jehova okwa li a lombwela oshi, ndele tai kungile Jona komutunda.
Omashangelo opedu
^ Eln., “medimo.”
^ Ile “wo-Sheol,” sha hala okutya, koufi. Tala Omafatululo oitya.
^ Ile “Omeva okwa dingilila nge komwenyo.”
^ Ile tashi dulika, “oudiinini wavo.”
