Esra 1:1-11
1 Opo eendjovo daJehova, odo a popya okupitila muJeremia,+ di wanifwe po, Jehova okwa pendula omhepo yaKores,+ ohamba yaPersia, modula yaye yotete a shiivife mouhamba waye aushe etumwalaka tali shikula, olo a li yo a shangifa+ a ti:
2 “Eshi osho Kores, ohamba yaPersia, ta ti, ‘Jehova, Kalunga komeulu, okwa pa nge omauhamba aeshe okombada yedu,+ nokwa lombwela nge ndi mu tungile eumbo muJerusalem,+ osho shi li muJuda.
3 Keshe oo e li mokati keni womoshiwana shaye, Kalunga kaye na kale pamwe naye, nokuya kuJerusalem, osho shi li muJuda, a ka tungulule eumbo laJehova, Kalunga kaIsrael, oye Kalunga kashili, oo eumbo laye la li muJerusalem.*
4 Keshe oo e li omunailongo,+ kutya nee oku li peni, na kwafelwe komushiinda shaye* moku mu pa oshisilveri noshingoli, oinima iwa noimuna, pamwe nomayambo ehalo liwa eumbo laKalunga kashili,+ olo la li muJerusalem.’”
5 Opo nee omitwe domaukwaneumbo omapata aJuda naBenjamin nosho yo ovapristeri nOvalevi, keshe umwe oo omhepo yaKalunga kashili ye mu linyengifa, okwe lilongekida okuya noku ka tungulula eumbo laJehova, olo la li muJerusalem.
6 Aveshe, ovo va li puvo, ove va yambidida moku va pa* oilongifo yoshisilveri noyoshingoli, oinima iwa, oimuna noinima yongushu, pamwe nomayambo aeshe ehalo liwa.
7 Ohamba Kores oya eta yo oilongifo yomeumbo laJehova, oyo Nebukadnesar a li a kufa muJerusalem, noku i tula meumbo lakalunga kaye.+
8 Ohamba Kores yaPersia oye i eta i li mepashukilo laMitridat, omutuvikili wemona, oo e i valula i ye kuSesbassar,*+ elenga laJuda.
9 Omuvalu wayo oo ou: Oiyaxa yoshingoli 30, oiyaxa yoshisilveri 1 000, oiyaxa ya wedwa po 29,
10 ouyaxa vanini voshingoli 30, ouyaxa vanini voshisilveri 410, noilongifo ikwao 1 000.
11 Oilongifo aishe yoshingoli noyoshisilveri oya li 5 400. Sesbassar okwe i kufa mo aishe, eshi eenghwate+ da dja muBabilon di ye kuJerusalem.
