JW LIBRARY
Urnosem ti App Sigun iti Kayatmo—Windows
Adda dagiti makatulong a feature ti JW Library tapno kombinienteka nga agbasa. Tapno makitam dagitoy a feature, talmegam ti right button ti mouse wenno i-swipe-mo pababa ti makinngato a paset ti iskrin tapno maluktam ti App Commands bar.
Masapul nga i-tap-mo ti More button tapno makitam ti dadduma pay a command ti app.
Surotem dagitoy nga instruksion tapno maurnosmo ti app sigun iti kayatmo:
Suktan ti Lengguahe
Mabalinmo a suktan ti lengguahe ti kapitulo wenno artikulo a basbasaem.
I-tap-mo ti Languages button tapno makitam ti amin a lengguahe a nakaipatarusan ti basbasaem. Dagiti lengguahe a kanayonmo nga us-usaren ti umun-una iti listaan. Agparang met ditoy dagiti simplified edition ti The Watchtower. Mabalinmo met nga i-type ti lengguahe a birbirokem.
Dagiti lengguahe a dimo pay nai-download ket addaan iti cloud icon. I-tap-mo ti lengguahe tapno mai-download ti publikasion. No nai-download-mon, mapukawen ti cloud icon. I-tap-mo manen ti lengguahe tapno mabasam.
Balbaliwan ti Kadakkel Dagiti Letra
Mabalinmo a balbaliwan ti kadakkel dagiti letra depende iti kayatmo.
I-tap-mo ti Text Settings button, sa i-adjust-mo ti slider tapno bumassit wenno dumakkel dagiti letra. Daytan ti kadakkel dagiti letra ti amin a publikasion.
Image View Wenno Text View
Mabalin a luktan ti dadduma nga artikulo kas image wenno text. Tapno mabaliwam ti format-na, i-tap-mo ti umiso a button.
Image View: Makita iti image view ti itsura ti publikasion no nayimprenta. Kaykayat ti dadduma daytoy no manglukatda iti publikasion a kas iti songbook, ta makitada dagiti nota.
Text View: Iti text view, adda link dagiti naisitar a teksto a mabalin nga i-tap ken mabasam iti kayatmo a kadakkel dagiti letra.
Open in Online Library
I-tap-mo ti Open in Online Library button tapno maluktam ti panid a basbasaem iti Watchtower ONLINE LIBRARY.
Urnosen Dagiti Biblia
No i-tap-mo ti teksto iti publikasion, agparang ti linaonna. I-tap-mo ti Customize button iti baba ti teksto tapno mapilim no ania kadagiti nai-download-mo a Biblia ti kayatmo nga iraman iti listaan.
I-tap-mo ti Add wenno Remove button tapno mainayon wenno maikkatmo ti maysa a Biblia. I-tap-mo ti Biblia sa i-tap-mo ti Up wenno Down button tapno maurnosmo ti listaan.
Tapno maammuam no kasano ti ag-download iti dadduma pay a Biblia iti JW Library, kitaem ti “I-download ken Urnosen Dagiti Biblia—Windows.”
Nairuar dagitoy a feature idi Marso 2015 iti JW Library 1.4, a compatible iti Windows 8.1 wenno barbaro a bersion. No saanmo a makita dagitoy a feature, surotem dagiti instruksion iti artikulo a “No Kasano nga Usaren ti JW Library—Windows,” iti paset a Kanayon nga Ag-update.
