Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

JW LIBRARY

Ag-search iti Biblia Wenno Publikasion​—Android

Ag-search iti Biblia Wenno Publikasion​—Android

Iti JW Library, mabalinmo ti ag-search iti sao wenno sasao iti Biblia wenno iti maysa a publikasion.

Surotem dagitoy nga instruksion iti panag-search:

 Ag-search iti Biblia

Mabalinmo ti ag-search iti sao wenno sasao iti Biblia a basbasaem.

I-tap-mo ti Search button sa i-type-mo ti sao a birbirokem. Bayat nga agta-type-ka, adda dagiti sasao a makitam. I-tap-mo ti maysa kadagita, wenno i-tap-mo ti Enter button iti keyboard, tapno makitam dagiti nagparanganna.

Iti Top Verses, naurnos dagiti nagparangan ti birbirokem sigun iti kasansan ti pannakausar ti teksto. Iti All Verses, naurnos dagita sigun iti panagsasaruno dagiti libro ti Biblia. Makita met iti Articles dagiti nagparanganna nga artikulo iti introduksion ken apendise.

No adu a sasao ti i-type-mo, i-check-mo ti kahon a Match Exact Phrase tapno makitam laeng ti eksakto a kapada ti sasao a birbirokem.

 Ag-search iti Publikasion

Mabalinmo ti ag-search iti sao wenno sasao iti publikasion a basbasaem.

I-tap-mo ti Search button sa i-type-mo ti sao a birbirokem. Bayat nga agta-type-ka, adda dagiti sasao a makitam. I-tap-mo ti maysa kadagita, wenno i-tap-mo ti Enter button iti keyboard, tapno makitam dagiti nagparanganna.

No adu a sasao ti i-type-mo, i-check-mo ti kahon a Match Exact Phrase tapno makitam laeng ti eksakto a kapada ti sasao a birbirokem.

 Ag-search iti Topiko

No nai-download-mo ti Insight on the Scriptures, mabalinmo ti agbirok kadagiti topiko iti Insight. Mabalinmo nga aramiden daytoy no agbasbasaka iti aniaman a publikasion wenno Biblia.

I-tap-mo ti Search button sa i-type-mo ti topiko a birbirokem. Bayat nga agta-type-ka, adda dagiti makitam a sasao a pakairamanan dagiti topiko iti Insight. I-tap-mo ti topiko tapno maluktam.

Nairuar dagitoy a feature idi Oktubre 2014 iti JW Library 1.3.4, a compatible iti Android 2.3 wenno barbaro a bersion. No saanmo a makita dagitoy a feature, surotem dagiti instruksion iti artikulo a “No Kasano nga Usaren ti JW Library—Android,” iti paset a Kanayon nga Ag-update.