Mapan iti linaonna

Mapan iti segundario a pagpilian

Dagiti Saksi ni Jehova

Iloko

JW LIBRARY

I-set ken Urnosen Dagiti Bookmark—Android

I-set ken Urnosen Dagiti Bookmark—Android

Iti JW Library, mabalinmo ti mangikabil iti bookmark tapno mamarkaam ti paset ti publikasion a kayatmo a sublian, kas iti panangikabil iti ribbon iti libro. Adda sangapulo a bookmark para iti tunggal publikasion.

Surotem dagitoy nga instruksion iti panangusar kadagiti bookmark:

 Agi-set iti Bookmark

Mabalinmo ti mangikabil iti bookmark iti maysa nga artikulo, kapitulo, parapo, wenno teksto.

Tapno maikkam iti bookmark ti artikulo wenno kapitulo, i-tap-mo ti Bookmark button. Agparang ti listaan dagiti bookmark ti basbasaem a publikasion. I-tap-mo ti awan kargana a bookmark tapno mamarkaam ti basbasaem.

Tapno maikkam iti bookmark ti maysa a parapo wenno teksto, i-tap-mo. Kalpasanna, i-tap-mo ti Bookmark button iti context menu.

 Aglukat iti Bookmark

Tapno maluktam ti maysa a bookmark, luktam ti publikasion sa i-tap-mo ti Bookmark button. I-tap-mo ti bookmark a kayatmo a luktan.

 Agurnos iti Bookmark

No nakaikabilkan iti bookmark, mabalinmo nga i-delete wenno suktan.

Tapno mai-delete-mo, i-tap-mo ti Bookmark button sa i-tap-mo ti More button iti bookmark a kayatmo nga i-delete. I-tap-mo ti Delete.

Tapno masuktam ti bookmark, i-tap-mo ti Bookmark button sa i-tap-mo ti More button iti bookmark a kayatmo a suktan. I-tap-mo ti Replace. Mayakaren ti bookmark iti paset a basbasaem. Makatulong daytoy tapno mamarkaam ti paset ti publikasion a basbasaem. Mausarmo daytoy iti inaldaw a panagbasam iti Biblia.

Nairuar dagitoy a feature idi Mayo 2014 iti JW Library 1.2, a compatible iti Android 2.3 wenno barbaro a bersion. No saanmo a makita dagitoy a feature, surotem dagiti instruksion iti artikulo a “No Kasano nga Usaren ti JW Library—Android,” iti paset a Kanayon nga Ag-update.