Ammuem ti ad-adu pay maipapan kadagiti espesipiko a feature ti JW Library nga addaan kadagiti tutorial ken makatulong a tip no kasano nga usaren dagita. Birokem dagiti sungbat kadagiti masansan a maisalsaludsod maipapan iti daytoy nga app.

Disiembre 2025 (Version 15.6)

• Usarem ti Search button iti Library tab tapno mabirokam dagiti publikasion, video, wenno audio sigun iti paulona.

• Naurnosen ti dadduma a problema ti app a pakairamanan ti bigla a panag-crash wenno panagiddepna.

• Ti kababaan nga operating system a kayana a suportaran ket Android 8.0, iOS 15, macOS nga addaan iti M1 wenno nabarbaro a chip, Windows 10 Version 2004 wenno nangatngato pay.

Oktubre 2025 (Version 15.5)

• Ti pinilim a kapaspas wenno kabuntog ti pannakai-play ti video wenno audio ket saan nga agbaliw uray kalpasan nga in-restart-mo ti app.

• No naluktamon dagiti video, agpukawen ti heads-up display wenno impormasion nga adda iti baba. Tapno makitam manen dayta, i-tap-mo ti video.

• Naurnosen ti dadduma a problema ti app a pakairamanan ti bigla a panag-crash wenno panagiddepna.

• Ti kababaan nga operating system a kayana a suportaran ket Android 7.0, iOS 15, macOS nga addaan iti M1 wenno nabarbaro a chip, Windows 10 Version 2004 wenno nangatngato pay.

Hulio 2025 (Version 15.4)

• Ti tab a Meetings ket napabaro tapno makitam dagiti link dagiti material a maadal para iti gimong a Panagbiag ken Ministerio ken ti Panagadal iti Pagwanawanan iti maymaysa a page. Nairaman met dagiti link ti dadduma pay a publikasion a mausar iti gimong tapno nalaklaka a mabirokan dagita.

• Mabalin nga i-highlight dagiti sasao no ibaybayagmo a talmegan samo i-drag tapno ad-adu a sasao ti mai-highlight-mo.

• Dagiti button a Next ken Previous ket mausar tapno makaakar wenno makasublika kadagiti page. Awanen ti feature nga i-swipe-mo ti screen tapno makaakarka iti sabali a page.

• Naurnosen ti dadduma a problema ti app a pakairamanan ti bigla a panag-crash wenno panagiddepna.