Koleksion ti Retrato iti Pilipinas 2 (Hunio 2015 Agingga iti Hunio 2016)
Nakompleton dagiti Saksi ni Jehova iti Pilipinas ti dakkel a renovation project iti sangayda iti Quezon City. Makita iti daytoy a koleksion ti retrato ti panagtrabahoda ken ti suporta dagiti boluntario idi Hunio 2015 agingga iti Hunio 2016. Sumagmamano a bulan kalpasanna, mabalinen nga usaren dagiti na-renovate a patakder, ket naidedikar dagita idi Pebrero 2017.
Itsura ti nakompleton a sangay iti Pilipinas. Dagitoy ti naibangon wenno na-renovate a patakder ken pasilidad:
Building 4 (Residence)
Building 5 (Audio/Video, Service Department)
Building 6 (Landscaping, Vehicle Repair, Welding)
Building 7 (Computer, Local Design/Construction, Maintenance, Shipping, Translation)
Hunio 15, 2015—Quezon City
Isagsagana ti concrete team ti pagporma iti walkway a mamagkonektar iti Building 1, 5, ken 7.
Hunio 15, 2015—Building 5
Sakbay a mangrugi dagiti karpintero, kitkitaenda ti drowing manipud iti Regional Design/Construction Department–Asia/Pacific. Idi Marso 2016, nayakar manipud Australia daytoy a departamento iti sanga nga opisina iti Pilipinas.
Hunio 23, 2015—Quezon City
Mabakbakbak ti dati a sementado a kalsada para kadagiti maaramid a kanal. Dita a maiplastar dagiti tubo a pagayusan ti nalamiis a danum para iti centralized air-conditioning system.
Hulio 20, 2015—Quezon City
Agassawa a taga-United States a mangisagsagana iti pannaka-welding dagiti barandilias ti walkway.
Hulio 20, 2015—Quezon City
Ipuespuesto dagiti boluntario dagiti tubo a pagayusan ti nalamiis a danum iti nagbaetan ti Building 4 ken 5.
Septiembre 18, 2015—Building 5
Us-usaren ti karpintero ti gun tacker a mangikapet iti paladpad ti tawa.
Septiembre 18, 2015—Building 5
Maikabkabil dagiti carpet tile. Nakarpetan ti intero a second floor ti Building 5, nga ad-adda nga us-usaren ti Audio/Video Department, tapno maksayan ti makaistorbo nga uni.
Oktubre 22, 2015—Building 5
Mapimpinturaan ti pader ti maysa a pagopisinaan. Agus-usar dagiti parapinta iti pintura a mangibalandra iti pudot ti init, isu nga agtalinaed a nalamiis iti uneg ti patakder ken maksayan ti mausar a koriente.
Pebrero 10, 2016—Building 4
Maik-ikkat ti pagporma a nausar a pangibangon iti bakud. Ti Building 4, a dua a floor, ket pagyanan dagiti estudiante ti nadumaduma a teokratiko nga eskuelaan.
Pebrero 10, 2016—Building 4
Maysa a miembro ti heating, ventilation, ken air-conditioning team a mangbalbalkut kadagiti tubo a pagayusan ti nalamiis a danum. Daytoy ti mangpasayaat iti kinaepektibo ti chilled-water system ket maksayan ti condensation (panagbalay ti danum iti ruar ti tubo).
Pebrero 16, 2016—Building 4
Testestingen ti technician a taga-Australia ti maysa kadagiti circuit breaker ti electrical switch cabinet. Nasurok a 100 a nalaing a trabahador manipud ruar ti Pilipinas ti naawis a tumulong iti renovation project.
Baka Kayatmo Met ti
PROYEKTO A PANAGIBANGON
Koleksion ti Retrato iti Pilipinas (Pebrero 2014 Agingga iti Mayo 2015)
Dagiti Saksi ni Jehova ket agibangbangon kadagiti baro a patakder ken agren-renovate kadagiti agdama a pasilidad ti sanga nga opisina iti Pilipinas idiay Quezon City.
MASANSAN A MAISALSALUDSOD
Pagtataudan ti Pondo Para iti Trabaho Dagiti Saksi ni Jehova?
Saanmi nga ar-aramiden dagiti pamay-an nga us-usaren ti adu a relihion.