I-download:

• Piesa

1. 1. Denggem ti kanta ti billit,

   Paliiwem ti langit.

   Ti buya mangpaganaygay—

   Paraiso nga inur-uray!

   Kasla tagtagainep,

   Patpatgem kaduam manen.

   Kunkunatay la idi,

   Dayta ket asidegen!

2. 2. Tunggal maysa addaanen

   Bukod a pagtaengan.

   Dadduma ti agkakantat’

   Igid nalitnaw a karayan.

   Adut’ intay maani,

   Wen, aglaplapusanan.

   Kasla kaano laeng,

   Dayta ket asidegen!

   (BRIDGE)

   Siraragsak iyestoriam

   Ti amin a segseggaam.

   Amin a lua napunaston;

   Daytoy daga napabaron.

3. 3. Makaay-ayo a denggen,

   Ragsak ti aglalangen.

   Ti tunggal aldaw makapnek,

   Kaduam pamilia ken gagayyem.

   Ken ni Jehova, agyaman

   Gaput’ kinadungngona.

   Kasla kaano laeng,

   Dayta ket asidegen!

   (BRIDGE)

   Tunggal aldaw ket nagragsak

   Ta addakan ditoy dennak.

   Napunasen ti iliwko,

   Mariknakon arakupmo.

4. 4. Ti baro a lubong—

   Daytat’ padpadaanak!

   Inkari daytan’ Jehova,

   Sigurado a tungpalenna.

   Makapagin-awa unay

   No intay panunoten

   Aldaw nga ur-urayen.

   Wen, dayta ket asidegen.