Dumdumngeg ti Dios. Ipasigurado kadatayo ti Biblia nga “asideg ni Jehova iti amin nga umaw-awag kenkuana, iti amin nga umawag kenkuana iti kinapudno. . . . Dengdenggenna ti panagpatulongda.”—Salmo 145:18, 19.

Kayat ti Dios nga agkararagka kenkuana. Aw-awisennatayo ti Biblia: “Ipakaammoyo koma iti Dios ti amin a kiddawyo babaen ti kararag ken panagpakaasi, agraman panagyaman.”—Filipos 4:6.

Talaga nga ipatpategnaka ti Dios. Ammo ti Dios dagiti problema ken pakadanagantayo ken kayatnatayo a tulongan. Kuna ti Biblia: “Ipalladawyo kenkuana ti amin a pakadanaganyo, ta ipatpategnakayo.”—1 Pedro 5:7.