Kanta 102
Ti Rag-o ti Panagungar
1. ’Diay tanem naturog
Idin’ Lazaro.
Kakabsat nagdung-aw!
Awan remedio.
No ni gayyemna a
Jesus simmangpet,
Di koman limmasat
Ruangan ti Hades.
Ngem idiay tanemna
Ni Jesus addan,
‘Lazaro,’ inriawna,
‘Maykan, rummuarkan!’
Dagus nga’isut’ rimmuar,
Sipapatapat.
O daydi ng’aldaw ket
Nakaragragsak!
2. Ti pannakaluk-at
Ninamnamada,
Ngem natay ni Kristo
Ket naupayda.
Napnuandat’ leddaang
A nangitanem.
Pusoda ken nakem
Anian a saem!
Ngem ruangan ti Hades
Di nakasupring.
Katlona nga aldaw,
Dios ’sut’ nangriing.
Nagrag-ot’ adalan
’Di nakitada.
Tultulbek ti Hades
Naited kenkuana.
3. Ni patay immapay
Gapu ken Adan;
Ngem inted ni Kristo
Ti panagungar.
Ti addat’ ’diay Hades
Maawaganto
Rummuar a mangsagrap
Ti biag ken rag-o.
Sanguanan tronot’ Dios
Inda maukom
Gaput’ gapuananda
Sidong Pagarian.
Dagidiay naisurat
Iti Librot’ biag
Paraisot’ taengda
Awan dandanag.
