Kanta 95
Ti Bunga ti Kinaimbag
1. Agnanayon nga Ari ni Jehova,
Ti kinaimbag iparangarangna.
Imbaonnat’ Anakna gaput’ asi
Tapno ti napasnek ket agbabawi.
2. Ti kinaimbagnat’ mangwayawaya
Manipud ti kawar ti Babilonia.
Kinaimbag ti Dios mangted ti lawag,
Tapno malasin dakes ken naimbag.
3. Ti kinaimbag ti Dios tuladentay;
Bungat’ espiritut’ intay rumang-ay.
Masapul nadalustay ken nalinteg,
Naynay, Dios ken Jesus intay agtalek.
4. Tapno naimbagtay aniat’ masapul?
Kararag, serbisio ken panagadal.
Nasken pannakigimongtay a naynay
Tapno kinaimbagtay maan-anay.
