1. Maysa a kaputotan ni Juda babaen ken Jehalelel.​—1Cr 4:15, 16.

  2. Maysa a siudad iti makin-abagatan a paset ti Juda.​—Jos 15:21, 24.

  3. Maysa a siudad iti kabambantayan a rehion ti Juda. (Jos 15:20, 48, 55, 57) Nalawag a dayta ti Zif a ni Mesa ti ‘amana.’ (1Cr 2:42) Dagiti geograpo kadawyanna nga inaigda dayta iti Tell Zif, agarup 6 km (3.5 mi) iti abagatan a daya ti Hebron. Nagkamang ni David iti let-ang iti aglikmut ti Zif idi kamkamaten ni Ari Saul, ket dagiti lallaki ti siudad namindua nga imbagada iti ari no sadino ti ayan ni David. (1Sm 23:14, 15, 19, 24, 29; 26:1, 2; idiligyo ti Sal 54:Sup.) Nalawag a daytoy a Zif ti sinarikedkedan ni Rehoboam idi agangay.​—2Cr 11:5-8.