[Pagtaengan ni Jehova].

  1. Maysa a kaputotan ni Aaron. Ti sangakabbalayanna iti dasig ti amana ket napili babaen ti binnunot kas maika-10 iti 24 a benneg ti papadi nga inorganisar ni David.​—1Cr 24:1-3, 7, 11.

  2. Maysa kadagidiay nakaitalkan ti patas a pannakaibunong dagiti apagkapullo ken dadduma pay a kontribusion kadagiti siudad ti papadi bayat ti panagturay ni Ezekias.​—2Cr 31:12, 15.

  3. Maysa a padi a nagsubli a kadua ni Zorobabel idiay Jerusalem.​—Ne 12:1, 3, 7; kitaenyo ti SEBANIAS Num. 2.

  4. Maysa a sangakabbalayan iti dasig ti ama, a ti sumagmamano a kamengna ket karaman iti bunggoy a nagsubli a kadua ni Esdras idi 468 K.K.P.​—Esd 8:1, 3.

  5. Anak ni Jahaziel ken pannakaulo ti sangakabbalayan ni Zattu iti dasig ti amana. Tallo gasut a lallaki manipud iti daytoy a sangakabbalayan ti nagsubli a kadua ni Esdras.​—Esd 8:1, 5.

  6. “Anak ni Jehiel [a maysa kadagiti] annak ni Elam.” Insingasingna ken Esdras ti maysa a tulag, a gapu iti dayta dagiti lallaki a nagsubli iti Juda a nangala iti ganggannaet nga assawa natignayda a mamagtalaw kadagita a babbai.​—Esd 10:2-4.

  7. Ama ti Semaias a nangtarimaan iti maysa a paset ti pader ti Jerusalem.​—Ne 3:29.

  8. Katugangan ni Tobias nga Ammonita; anak ni Arah.​—Ne 4:3; 6:17, 18.

  9. Maysa a kaputotan ni David a nagbiag kalpasan ti pannakaidestiero idiay Babilonia.​—1Cr 3:5, 9, 10, 21, 22.