[nalabit, Dagiti Nangato a Disso; nagtaud iti sao a kaipapananna ti “tumakder”].

  1. Maysa a siudad dagiti Levita iti teritoria ti Isacar. (1Cr 6:71-73) Nalawag nga isu met laeng ti Remet ken Jarmut (Num. 2). (Jos 19:17, 21; 21:27-29) Nupay saan a sigurado, maikunkuna nga isu ti Kokab el-Hawa (Kokhav ha-Yarden) iti maysa a tanap nga agarup 10 km (6 mi) iti amianan ti Bet-sean.

  2. Ti “Ramot ti abagatan” iti 1 Samuel 30:27 ket nalawag a tumukoy iti “Baalat-beer, Rama iti abagatan” a nadakamat iti Josue 19:8. Nabatad nga adda idiay Negeb.​—Kitaenyo ti RAMA Num. 2.

  3. Maysa a siudad idiay Galaad, iti daya ti Karayan Jordan. (Jos 20:8) Idi agangay naawagan iti Ramot-galaad.​—Kitaenyo ti RAMOT-GALAAD.