Ti Hebreo a sao a mezam·meʹreth, a naipatpatarus kas “pangarsang” (AS), “imuko” (JB), ken “pagiddep” (NW), ket naggapu iti sao (za·marʹ) a kaipapananna ti “geppengen; arbasan.” Gapuna, patien ti dadduma a daytoy ket kasla getteng nga aruaten a nadisenio a panggeppeng iti pabilo dagiti pagsilawan. Nupay kasta, ti laeng masigurado maipapan kadagitoy nga aruaten ket naaramidda iti balitok wenno gambang ken naaramatda mainaig kadagiti panagserbi iti templo.​—1Ar 7:50; 2Ar 12:13; 25:14; 2Cr 4:22; Jer 52:18.