[Nangted ti Dios].

  1. Panguluen iti tribu ni Isacar; anak ni Zuar. (Nu 1:8, 16) Kas panguluen, immatonanna ti pannakasensus ti Isacar idiay let-ang, indatagna ti sagutna idi nainaguraran ti altar ti tabernakulo, ken indauluanna ti buyot a buklen ti 54,400.​—Nu 2:5, 6; 7:11, 18-23; 10:15.

  2. Maikapat a nainaganan nga anak ni Jesse ken in-inauna a kabsat ni Ari David.​—1Cr 2:13-15.

  3. Maysa a Levita a ti anakna a ni Semaias ket sekretario bayat ti panagturay ni David.​—1Cr 24:6.

  4. Padi a karaman kadagiti agtrumtrumpeta iti sanguanan ti lakasa ti tulag bayat ti panangimartsa iti dayta nga agturong idiay Jerusalem.​—1Cr 15:24.

  5. Maysa a Levita nga agay-aywan iti ruangan, a naituding nga agaywan iti abagatan ti santuario nga ayan dagiti kamalig idi tiempo ni David; maikalima nga anak ni Obed-edom.​—1Cr 26:4, 8, 15.

  6. Prinsipe nga imbaon ni Ari Jehosafat a mapan kadagiti siudad ti Juda tapno isurona ti linteg ni Jehova.​—2Cr 17:7-9.

  7. Panguluen a Levita a nangikontribusion iti an-animal a maisakripisio iti naindaklan a rambak ti Paskua nga insayangkat ni Josias.​—2Cr 35:9, 18, 19.

  8. Pannakaulo ti napadian a sangakabbalayan ni Jedaias iti dasig ti amana idi kaaldawan ni Joiaquim a suno ni Jesua.​—Ne 12:12, 21.

  9. Padi a maysa kadagiti annak ni Pasur a nangala iti ganggannaet nga assawa a babbai ngem pinagtalawda dagita gapu iti panangidagadag ni Esdras. (Esd 10:22, 44) Mabalin nga isu met laeng ti Num. 10.

  10. Musikero iti maysa kadagiti martsa a nangrambak iti pannakabangon manen ti pader ti Jerusalem idi kaaldawan ni Nehemias. (Ne 12:31, 35, 36) Mabalin nga isu met laeng ti Num. 9.