[Sagut ni Jehova].

  1. Maysa a Levita, anak ni Heman. Napili babaen ti panagbibinnunot a mangidaulo iti maikasiam a bunggoy dagiti Levita a musikero nga inyurnos ni David.​—1Cr 25:1, 4, 8, 9, 16.

  2. Maysa a Levita a nagtaud kadagiti annak ni Asaf ken inapo ni Jahaziel. (2Cr 20:14) Mabalin nga isu ti Matanias a nadakamat iti 1 Cronicas 9:15 ken Nehemias 13:13. Mabalin met a sabali pay a Matanias wenno ti pannakabagi dayta a pamilia a nadakamat iti Nehemias 12:8; idiligyo ti Nehemias 11:17, 22; 12:25.

  3. Maysa a Levita a kaputotan ni Asaf a timmulong a nangdalus iti balay ni Jehova idi tiempo ni Ari Ezekias.​—2Cr 29:12-16.

  4. Anak ni Ari Josias ken uliteg ni Ari Jehoiaquin. Ni Nabucodonosor nga ari ti Babilonia insaadna ni Matanias iti trono ti Juda, a Zedekias ti impanaganna kenkuana.​—2Ar 24:15-17; kitaenyo ti ZEDEKIAS Num. 4.

  5. Maysa nga Israelita a karaman “iti annak ni Elam” a namagtalaw iti ganggannaet nga assawada a babbai.​—Esd 10:25, 26, 44.

  6. Maysa nga Israelita a karaman “iti annak ni Zattu” a namagtalaw iti ganggannaet nga assawada a babbai.​—Esd 10:25, 27, 44.

  7. Maysa nga Israelita a karaman “iti annak ni Pahat-moab” a namagtalaw iti ganggannaet nga assawada a babbai.​—Esd 10:25, 30, 44.

  8. Maysa nga Israelita a karaman “iti annak ni Bani” a namagtalaw iti ganggannaet nga assawada a babbai.​—Esd 10:25, 34, 37, 44.