[napaababa a pangbabai a porma ti Jehohanan, kaipapananna ti “Ni Jehova Nangipaay iti Parabur; Ni Jehova Nakaparparabur”].

 Maysa kadagiti sumagmamano a babbai nga inagasan ni Jesu-Kristo dagiti an-annayenda ken nagbalin a pasurotna idi agangay, nga agserserbi kenkuana ken kadagiti apostolna manipud kadagiti bukodda a sanikua. (Lu 8:1-3) Agparang a ni Juana ket kadua dagiti babbai a nakaimatang iti pannakailansa ni Jesus. Yantangay nangisaganada kadagiti especia ken lana tapno ipanda iti tanemna, dagitoy a babbai ket karaman kadagiti immuna a napakaammuan a napagungaren ni Jesus. Nupay kasta, ti impadamagda ket narigat a patien ti 11 nga apostol. (Lu 23:49, 55, 56; 24:1-11) Mayordomo ni Herodes Antipas ti asawa ni Juana a ni Cuza.​—Lu 8:3.