[kaipapananna ti “Isu Nangumsi (Nangrurod)”].

 Pannakaulo ti maysa a pamilia a ti 112 a lallaki iti dayta a pamilia nagsublida idi 537 K.K.P. manipud pannakaidestiero idiay Babilonia; naawagan met iti Jora. (Ne 7:6, 7, 24; Esd 2:18) Ti nagan a Harif nailista manen a karaman kadagiti pannakaulo dagiti umili, ken nabatad nga imbagian ti maysa kadagiti kaputotanna, a nangpatalged babaen iti selio iti katulagan ti panagipudno, a naaramid bayat ti kinagobernador ni Nehemias.​—Ne 9:38; 10:1, 14, 19.