Panguluen ti buyot ni Ari Abimelec a Filisteo. Kimmuyog ni Ficol ken Abimelec idi a nangpatalged iti tulag ken Abraham ken iti tulag ken Isaac. (Ge 21:22, 32; 26:26, 31) Yantangay dagitoy dua a panagsinnarak ket nasurok a 75 a tawen ti baetda, mabalin a ti “Ficol” ket titulo wenno awag a nausar iti asinoman nga agakem iti daytoy a saad imbes a nagan ti maysa a tao a nabayagen iti puesto. Maigapu met laeng kadagita a rason no apay a ti nagan ti arina ket mabalin a maysa met a titulo.