Idi matmatayen ni Jesus iti kayo a pagtutuokan, agarup maikasiam nga oras, wenno agarup 3:00 t.m., impukkawna: “Eʹli, Eʹli, laʹma sa·bach·thaʹni?” (“Diosko, Diosko, apay a binaybay-annak?”) (Mt 27:46; Mr 15:34) Impagarup dagiti agpalpaliiw nga aw-awaganna ni Elias. Mabalin a saan nga umiso ti nagawatanda iti imbaga ni Jesus gapu ta di nalawag ti panagsaona nga epekto ti nakaro a panagsagabana wenno gapu ta naiduma ti pagsasaona kadakuada. (Mt 27:47; Mr 15:35) Iti panagpukkawna iti nailangitan nga Amana, a bigbigbigenna kas Diosna, tinungpal ni Jesus ti Salmo 22:1.