[Timmulong ti Dios].

  1. Maysa kadagiti nabileg a lallaki a kimmappon ken David idiay Siclag.​—1Cr 12:1, 6.

  2. Pannakaulo ti maika-11 kadagiti 24 a bunggoy dagiti kumakanta iti templo idi tiempo ni David; naawagan met iti Uzziel.​—1Cr 25:1, 4, 18.

  3. Anak ni Jeroham ken prinsipe iti tribu ni Dan idi agturturay ni David.​—1Cr 27:22; 28:1.

  4. Maysa kadagiti kaputotan ni Binui. Iti panangidagadag ni Esdras, pinagtalawda ti ganggannaet nga assawada a babbai ken annakda.​—Esd 10:19, 38-41, 44.

  5. Ama wenno inapo ti Amashai a nagnaed idiay Jerusalem iti sidong ti panangituray ni Gobernador Nehemias. Maysa a kameng iti balay-ti-papadi ni Immer.​—Ne 11:1, 13.

  6. Maysa a musikero iti martsa nga indauluan ni Esdras bayat ti pannagnada iti rabaw ti nabangon manen a pader ti Jerusalem idi inagurasion dayta. Nalabit isu met laeng ti Num. 5 iti ngato.​—Ne 12:31, 36.