Ti Umuna a Cronicas 27:1-34

  • Dagiti opisial nga agserbi iti ari (1-34)

27  Daytoy ti bilang dagiti Israelita, dagiti ulo dagiti pamilia, dagiti panguluen ti rinibu ken ti ginasut,+ ken dagiti opisialda nga agserserbi iti ari.+ Binulan nga agsisinnublat ti tunggal grupo iti makatawen; 24,000 ti mangbukel iti tunggal grupo.  Ni Jasobeam+ nga anak ni Zabdiel ti panguluen ti umuna a grupo iti umuna a bulan, ket 24,000 ti adda iti grupona.  Ni Jasobeam ket kaputotan ni Perez.+ Isu ti pannakaulo ti amin a panguluen dagiti grupo nga agserbi iti umuna a bulan.  Ni Dodai+ nga Ahohita+ ti panguluen iti maikadua a bulan. Ni Miklot ti lider, ket 24,000 ti adda iti grupona.  Ni Benaias,+ nga anak ni Jehoiada+ a panguluen a padi, ti panguluen ti maikatlo a grupo iti maikatlo a bulan, ket 24,000 ti adda iti grupona.  Daytoy a Benaias ket maysa kadagiti 30 a nabileg a mannakigubat ken isu ti mamangulo kadakuada, ket ni Amizabad nga anakna ti panguluen iti grupona.  Ni Asael,+ a kabsat ni Joab,+ ti panguluen ti maikapat a grupo iti maikapat a bulan. Ni Zebadias nga anakna ti sumaruno kenkuana, ket 24,000 ti adda iti grupona.  Ni Samhut nga Izrahita ti maikalima a panguluen para iti maikalima a bulan, ket 24,000 ti adda iti grupona.  Ni Ira+ nga anak ni Ikes a Tekoita+ ti maikanem a panguluen para iti maikanem a bulan, ket 24,000 ti adda iti grupona. 10  Ni Helez+ a Pelonita kadagiti Efraimita ti maikapito a panguluen para iti maikapito a bulan, ket 24,000 ti adda iti grupona. 11  Ni Sibecai+ a Husatita a nagtaud kadagiti Zeraita+ ti maikawalo a panguluen para iti maikawalo a bulan, ket 24,000 ti adda iti grupona. 12  Ni Abi-ezer+ nga Anatotita+ kadagiti Benjaminita ti maikasiam a panguluen para iti maikasiam a bulan, ket 24,000 ti adda iti grupona. 13  Ni Maharai+ a Netofatita iti teritoria dagiti Zeraita+ ti maika-10 a panguluen para iti maika-10 a bulan, ket 24,000 ti adda iti grupona. 14  Ni Benaias+ a Piratonita kadagiti annak ni Efraim ti maika-11 a panguluen para iti maika-11 a bulan, ket 24,000 ti adda iti grupona. 15  Ni Heldai a Netofatita manipud iti pamilia ni Otniel ti maika-12 a panguluen para iti maika-12 a bulan, ket 24,000 ti adda iti grupona. 16  Dagitoy ti lider dagiti tribu ti Israel: Ni Eliezer nga anak ni Zikri ti lider dagiti Rubenita; ni Sefatias nga anak ni Maaca ti lider dagiti Simeonita; 17  ni Hasabias nga anak ni Kemuel ti lider ti Levi; ni Zadok ti lider dagiti kaputotan ni Aaron; 18  ni Elihu,+ a maysa kadagiti kakabsat ni David, ti lider ti Juda; ni Omri nga anak ni Miguel ti lider ti Isacar; 19  ni Ismaias nga anak ni Abdias ti lider ti Zabulon; ni Jerimot nga anak ni Azriel ti lider ti Neftali; 20  ni Hosea nga anak ni Azazias ti lider dagiti Efraimita; ni Joel nga anak ni Pedaias ti lider ti kagudua ti tribu ni Manases; 21  ni Iddo nga anak ni Zacarias ti lider ti kagudua ti tribu ni Manases idiay Gilead; ni Jaasiel nga anak ni Abner+ ti lider ti Benjamin; 22  ken ni Azarel nga anak ni Jeroham ti lider ti Dan. Dagitoy ti prinsipe dagiti tribu ti Israel. 23  Saan a binilang ni David dagidiay agtawen iti 20 nga agpababa, ta inkari ni Jehova a pagbalinenna ti Israel a kas kaadu dagiti bituen ti langit.+ 24  Inrugi ni Joab nga anak ni Zeruia ti nagbilang, ngem saanna a lineppas. Gapu iti daytoy, nakapungtot ti Dios iti Israel,*+ ket saan a nairekord dayta a bilang iti pakasaritaan idi tiempo ni Ari David. 25  Ni Azmavet nga anak ni Adiel ti nangasikaso iti pannakabantay dagiti pagidulinan iti gameng ti ari.+ Ni Jonatan nga anak ni Uzias ti nangasikaso iti pannakabantay dagiti kamarin iti talon, siudad, purok, ken torre. 26  Ni Ezri nga anak ni Kelub ti nangasikaso kadagiti trabahador iti talon. 27  Ni Simei a Ramatita ti nangasikaso iti pannakaaywan dagiti kaubasan; ni Zabdi a Sifmita ti nangasikaso iti pannakabantay dagiti pagidulinan iti arak ti ubas. 28  Ni Baal-hanan a Gederita ti nangasikaso iti pannakaaywan dagiti kaolibuan ken dagiti kayo a sikomoro+ idiay Sefela;+ ni Joas ti nangasikaso iti pannakabantay dagiti pagidulinan iti lana. 29  Ni Sitrai a Sharonita ti nangasikaso iti pannakaaywan dagiti baka nga agar-arab idiay Sharon;+ ni Safat nga anak ni Adlai ti nangasikaso iti pannakaaywan dagiti baka kadagiti tanap.* 30  Ni Obil nga Ismaelita ti nangasikaso iti pannakaaywan dagiti kamelio; ni Jedias a Meronotita ti nangasikaso iti pannakaaywan dagiti asno.* 31  Ni Jaziz a Hagrita ti nangasikaso iti pannakaaywan dagiti karnero ken kalding. Dagitoy amin ti panguluen kadagiti sanikua ni Ari David. 32  Ni Jonatan+ a kaanakan ni David ket maysa a mamalbalakad, masirib a lalaki, ken sekretario; ket ni Jehiel nga anak ni Hakmoni ti nangaywan kadagiti annak ti ari.+ 33  Ni Ahitofel+ ti mamalbalakad iti ari; ket ni Husai+ nga Arkita ti gayyem* ti ari. 34  Ti sumaruno ken Ahitofel ket ni Jehoiada nga anak ni Benaias+ ken ni Abiatar;+ ket ni Joab+ ti pangulo ti armada ti ari.

Footnotes

Lit., “naadda ti pungtot iti Israel.”
Wenno “kapatagan.”
Lit., “kabaian nga asno.”
Wenno “pagtaltalkan.”