Roma 2:1-29
2 Gapuna awan pagpambarmo, O tao,+ siasinokaman, no mangukomka;+ ta iti banag a pangukomam iti sabali, kondenarem ti bagim, yantangay sika a mangukom+ annurotem ti isu met laeng a bambanag.+
2 Ita ammotayo a ti panangukom ti Dios ket, maitunos iti kinapudno,+ maibusor kadagidiay mangannurot iti kakasta a bambanag.
3 Ngem addaanka kadi itoy a kapanunotan, O tao,+ bayat nga ukomem dagidiay mangannurot iti kakasta a bambanag ket kaskasdi nga aramidem ida, a malisiamto ti panangukom ti Dios?+
4 Wenno umsiem kadi ti kinabaknang ti kinamanangngaasi+ ken kinamanagpalabas+ ken mabayag a panagituredna,+ agsipud ta saanmo nga ammo a ti manangngaasi a kualidad ti Dios ket padpadasennaka nga iturong iti panagbabawi?+
5 Ngem maitunos iti kinatangkenmo+ ken awan panagbabawina a pusom+ agur-urnongka iti pungtot+ a maipaay iti bagim iti aldaw ti pungtot+ ken ti pannakaipanayag+ ti nalinteg a panangukom ti Dios.+
6 Ket supapakannanto ti tunggal maysa sigun iti ar-aramidna:+
7 agnanayon a biag kadagidiay mangsapsapul iti dayag ken dayaw ken kinaawan panagrupsa+ babaen ti panagibtur iti aramid a naimbag;
8 nupay kasta, kadagidiay mannakirupir+ ken sumukir iti kinapudno+ ngem agtulnog iti kinakillo addanto pungtot ken unget,+
9 rigat ken tuok, iti kararua ti tunggal tao nga agaramid iti makadangran, umuna iti Judio+ ken kasta met iti Griego;+
10 ngem dayag ken dayaw ken talna maipaay iti tunggal maysa nga agaramid iti naimbag,+ maipaay nga umuna iti Judio+ ken kasta met iti Griego.+
11 Ta awan ti panangidumduma iti Dios.+
12 Kas pagarigan, amin dagidiay nagbasol nga awan ti linteg madadaeldanto met nga awan ti linteg;+ ngem amin dagidiay nagbasol iti sidong ti linteg+ maukomdanto babaen ti linteg.+
13 Ta dagiti managdengngeg iti linteg saan nga isuda ti nalinteg iti sanguanan ti Dios, no di ket dagiti managtungpal+ iti linteg ti maideklaranto a nalinteg.+
14 Ta kaanoman a dagiti tattao iti nasnasion+ nga awanan iti linteg+ aramidenda ti bambanag iti linteg sigun iti nakaisigudan,+ dagitoy a tattao, nupay awananda iti linteg, isuda ti linteg kadakuada.
15 Isuda dagiti mismo a mangiparangarang ti banag ti linteg a maisurat iti puspusoda,+ bayat a ti konsiensiada+ makipagsaksaksi kadakuada ket, iti nagbabaetan ti bukodda a pampanunot, maak-akusar+ wenno mapakawanda pay ketdi.
16 Daytoyto ket iti aldaw inton ti Dios babaen ken Kristo Jesus ukomenna+ ti nalimed+ a bambanag ti sangatauan,+ sigun iti naimbag a damag nga ideklarak.+
17 No, ita, maysaka a Judio iti nagan+ ket agsadsadagka iti linteg+ ken agpampannakkelka iti Dios,+
18 ket ammom ti pagayatanna+ ken anamongam ti bambanag a nakasaysayaat agsipud ta berbal a nasursuruanka manipud iti Linteg;+
19 ket naguyugoyka a maysaka a mangidaldalan kadagiti bulsek,+ silaw kadagidiay adda iti sipnget,+
20 manangpalinteg kadagiti di nainkalintegan a tattao,+ mannursuro iti ubbing,+ ken addaan balabala+ iti pannakaammo ken iti kinapudno+ nga adda iti Linteg—
21 nupay kasta, sika a mangisursuro iti asinoman, dika aya isuro ta bagim?+ Sika, a mangikaskasaba iti “Dika agtakaw,”+ agtakawka aya?+
22 Sika, nga agkunkuna iti “Dika makikamalala,”+ makikamalalaka aya? Sika, a mangyeb-ebkas ti pannakarurod kadagiti idolo, takawam aya+ dagiti templo?
23 Sika, a mangipampannakkel iti linteg, ibabainmo aya ti Dios babaen ti panangsalungasingmo iti Linteg?+
24 Ta “ti nagan ti Dios matabtabbaawan maigapu kadakayo iti tengnga dagiti nasion”;+ kas adda a naisurat.
25 Ti pannakakugit,+ iti kinapudnona, pakagunggonaan laeng no annurotem ti linteg;+ ngem no managsalungasingka iti linteg, ti pannakakugitmo+ nagbalin a di pannakakugit.+
26 No, ngarud, ti maysa a di nakugit+ a tao salimetmetanna dagiti nalinteg a kalikaguman+ ti Linteg, ti saanna a pannakakugit saanto aya a maibilang kas pannakakugit?+
27 Ket ti di nakugit a tao a kasta ti nakaisigudanna, babaen ti panangtungpalna iti Linteg, ukomennakanto+ a managsalungasing iti linteg sika nga addaan iti naisurat a kodigo ken pannakakugit.
28 Ta isu saan a maysa a Judio no iti makinruar,+ uray ti pannakakugit iti lasag saan met a makinruar.+
29 No di ket isu maysa a Judio no iti uneg,+ ket ti pannakakugitna isu ti pannakakugit ti puso+ babaen ti espiritu, ket saan a babaen ti naisurat a kodigo.+ Ti pannakaidayaw+ dayta ket dumteng, saan a manipud iti tattao, no di ket manipud iti Dios.+
