Efeso 4:1-32
4 Siak, ngarud, a balud+ iti Apo, dawatek kadakayo a magnakayo a maikari+ iti pannakaayab a nakaayabanyo,+
2 buyogen ti naan-anay a kinapakumbaba iti panagpampanunot+ ken kinaalumamay, agraman ti mabayag a panagitured,+ nga agiinnanuskayo iti ayat,+
3 a sipapasnek nga ikagumaanyo a salimetmetan ti panagmaymaysa ti espiritu iti mamagkaykaysa a singgalut ti talna.+
4 Adda maysa a bagi,+ ken maysa nga espiritu,+ a kas iti pannakaayabyo iti maysa a namnama+ a nakaayabanyo;
5 maysa nga Apo,+ maysa a pammati,+ maysa a bautismo;+
6 maysa a Dios+ ken Ama ti amin a persona, isu a mangringbaw iti isuamin ken baeten iti isuamin ken adda iti isuamin.
7 Ita iti tunggal maysa kadatayo naited ti di kaikarian a kinamanangngaasi+ sigun iti panangrukod ti Kristo iti awan bayadna a sagut.+
8 Gapuna kunana: “Idi isu immuli sadi ngato isu nangipanaw kadagiti kautibo; nangted kadagiti sagut [a] tattao.”+
9 Ita ti ebkas nga “isu immuli,”+ ania ti kayatna a sawen no di isu immulog met kadagiti nababbaba a rehion, a dayta ket, ti daga?+
10 Daydiay mismo nga immulog isu met laeng daydiay immuli+ iti adayo a ngatuen ti amin a langlangit,+ tapno maipaayna ti kinanaan-anay+ iti amin a bambanag.
11 Ket intedna ti sumagmamano kas apostol,+ ti sumagmamano kas mammadto,+ ti sumagmamano kas managebanghelio,+ ti sumagmamano kas papastor ken mannursuro,+
12 iti panggep a panangatur+ kadagiti sasanto, maipaay iti trabaho a panagministerio, maipaay iti pannakapabileg ti bagi ti Kristo,+
13 agingga a makagtengtayo amin iti panagmaymaysa iti pammati ken iti umiso a pannakaammo iti Anak ti Dios, iti maysa a nataenganen+ a tao, iti rukod ti kinatayag ti kinanaan-anay ti Kristo;+
14 tapno iti kasta ditay koma agub-ubinganen, a mayallo-allon+ a kas panangyallon dagiti dalluyon ket iyallaalla ditoy ken idiay ti tunggal angin ti sursuro+ babaen ti panangallilaw+ dagiti tattao, babaen ti kinasikap iti panangparnuay iti biddut.
15 Ngem iti panagsao iti kinapudno,+ babaen ti ayat dumakkeltayo+ koma iti amin a bambanag kenkuana nga isu ti ulo,+ ni Kristo.
16 Manipud kenkuana ti intero a bagi,+ gapu ta natunos ti pannakasangalna ken naaramid nga agtitinnulong babaen ti tunggal nagsuopan a mangipaay iti kasapulan, maitunos iti panagtignay ti tunggal sinaggaysa a kameng iti maitutop a rukod, agaramid a maipaay iti idadakkel ti bagi maipaay iti mismo a pannakapabilegna iti ayat.+
17 Ngarud, daytoy ti sawek ken saksiak iti Apo, a saankay nga agtultuloyen a magna a kas iti pannagna met dagiti nasion+ iti kinaawan magunggona iti pampanunotda,+
18 bayat nga addada iti kinasipnget no maipapan iti isip,+ ken naisina+ iti biag a kukua ti Dios, gapu iti kinaignorante+ nga adda kadakuada, gapu iti kinaawan rikna+ ti puspusoda.
19 Yantangay napukawda ti isuamin a moral a riknada,+ inyawatda ti bagbagida iti nalulok+ a kababalin tapno aramidenda ti tunggal kita ti kinarugit+ buyogen ti kinaagum.+
20 Ngem saanyo a naadal ti Kristo a kasta,+
21 pudno unay, no la ket isu nangngegyo ken naisurokayo babaen kenkuana,+ no kasano a ti kinapudno+ adda ken Jesus,
22 nga ikkatenyo koma ti daan a personalidad+ a mayannurot iti sigud a dana ti kababalinyo ken agruprupsa+ maitunos kadagiti makaallilaw a derrepna;+
23 no di ket mapabarokayo koma iti puersa a mangtigtignay iti panunotyo,+
24 ket ikawesyo+ koma ti baro a personalidad+ a naparsua+ maitunos iti pagayatan ti Dios iti pudno a kinalinteg+ ken kinasungdo.
25 Gapuna, ita ta inwaksiyon ti kinaulbod,+ sawenyo ti kinapudno tunggal maysa kadakayo iti padana a tao,+ agsipud ta datayo ket kamkameng nga agpaay iti maysa ken maysa.+
26 Agpungtotkayo, nupay kasta dikay agbasol;+ saannakay koma a malnekan ti init a sipupungtotkayo pay,+
27 dikay met ikkan ti lugar ti Diablo.+
28 Ti agtatakaw saan koma nga agtakawen,+ no di ket agtrabaho koma a sipipinget, nga aramidenna babaen kadagiti imana ti aramid a naimbag,+ tapno adda koma maibunongna iti asinoman nga agkasapulan.+
29 Saan koma a rummuar iti ngiwatyo ti rinuker a sasao,+ no di ket ti aniaman a sasao a naimbag a maipaay a pangpabileg kas iti kasapulan, tapno maipaayna no ania ti mainugot kadagiti agdengdengngeg.+
30 Kasta met, dikay koma pagleddaangen ti nasantuan nga espiritu ti Dios,+ a babaen iti dayta naselioankayo+ a maipaay iti aldaw a pannakaluk-at babaen ti subbot.+
31 Maikkat koma kadakayo ti isuamin a makadangran a kinapait+ ken unget ken pungtot ken panagririaw ken nabassawang a panagsasao+ agraman ti isuamin a kinadakes.+
32 Ngem agbalinkayo a manangngaasi+ iti maysa ken maysa, nadungngo a mannakipagrikna,+ a sibubulos a pakawanenyo ti maysa ken maysa no kasano a ti Dios sibubulos a nangpakawan met kadakayo babaen ken Kristo.+
