2 Samuel 23:1-39
23 Ket dagitoy ti maudi a sasao ni David:+“Ti sao ni David nga anak ni Jesse,+Ken ti sao ti nabaneg a lalaki a naibangon iti nangato,+Ti pinulotan+ ti Dios ni Jacob,Ken daydiay makaay-ayo kadagiti samiweng+ ti Israel.
2 Ti espiritu ni Jehova ti nagsao babaen kaniak,+Ket ti saona adda idi iti dilak.+
3 Kinuna ti Dios ti Israel,Nagsao kaniak ti Bato ti Israel,+‘No ti agturturay iti sangatauan nalinteg,+Agturturay buyogen ti panagbuteng iti Dios,+
4 Iti kasta dayta ket kasla iti lawag ti bigat, no agsilnag ti init,+Maysa a bigat nga awanan ul-ulep.Manipud kinaraniag, manipud tudo, adda ruot nga agtaud iti daga.’+
5 Ta saan kadi a ti sangakabbalayak ket kasta iti Dios?+Agsipud ta di nakedngan ti kapautna a tulag+ ti intudingna kaniak,Nasayaat ti pannakaurnosna iti tunggal banag ken sitatalged.+Agsipud ta dayta ti isuamin a pannakaisalakanko+ ken isuamin a pakaragsakak,Saan kadi a dayta ti makagapu a padakkelennanto?+
6 Ngem ti awan kaes-eskanna a tattao+ maabugda,+ kas kadagiti siitan a babassit a kayo,+ isuda amin;Ta saan a babaen ti ima ti pannakaalada.
7 No sagiden ida ti maysa a taoRebbeng a naarmasan a naan-anay iti landok ken iti urong ti pika,Ket mapuorandanto a naan-anay iti apuy.”+
8 Dagitoy ti nagnagan dagiti nabileg+ a lallaki a kukua ni David: ni Joseb-bassebet+ a Tahquemonita, ti pannakaulo dagiti tallo. Inwaswasawasna ti pikana iti walo gasut a napapatay iti maymaysa a tiempo.
9 Sumaruno kenkuana ni Eleazar+ nga anak ni Dodo+ nga anak ni Ahohi maysa kadagiti tallo a nabileg a lallaki a naikuyog ken David idi rinurodda dagiti Filisteo. Naguurnongda sadiay maipaay iti bakal, ket iti kasta nagtalaw dagiti lallaki ti Israel.+
10 Isu idi ti timmakder ket intultuloyna a kinabil dagiti Filisteo agingga a napakil ti imana ket ti imana nagtalinaed a siiiggem iti kampilan,+ iti kasta nangaramid ni Jehova iti naindaklan a panangisalakan iti dayta nga aldaw;+ ket no maipapan kadagiti umili, nagsublida iti likudanna tapno bakasanda laeng dagidiay nakabil.+
11 Ket sumaruno kenkuana ni Sammah nga anak ni Age a Hararita.+ Ket dagiti Filisteo naguurnongda iti Lehi, a sadiay adda idi maysa a benneg ti talon a napno kadagiti lentehas;+ ket dagiti umili nagtalawda gapu kadagiti Filisteo.
12 Ngem isu nagtakder iti tengnga ti benneg ket inispalna dayta ket kinabkabilna dagiti Filisteo, iti kasta nangaramid ni Jehova iti naindaklan a panangisalakan.+
13 Ket tallo kadagiti tallopulo a pannakaulo+ ti simmalog ket dimtengda iti panagaani, agingga ken David idiay rukib ti Adullam;+ ket ti maysa a purok a tolda dagiti Filisteo nagpakarso iti nababa a tanap ti Refaim.+
14 Ket ni David adda idin iti lugar a narigat nga asitgan;+ ket ti maysa a kampo+ dagiti Filisteo adda idin idiay Betlehem.
15 Idi agangay inyebkas ni David ti panaggartemna ket kinunana: “O makainumak koma iti danum manipud iti pagurnongan ti danum ti Betlehem nga adda iti ruangan!”+
16 Iti kasta ti tallo a nabileg a lallaki simmarakusokda a mapan iti pakarso dagiti Filisteo ket simmakdoda iti danum manipud iti pagurnongan ti danum ti Betlehem nga adda iti ruangan ket immayda a siaawit iti dayta ket inyegda ken David;+ ket saan nga immannugot a manginum iti dayta, no di ket imbukbokna+ nga agpaay ken Jehova.
17 Ket kinunana: “Narigat a pagarupen iti biangko,+ O Jehova, nga aramidek daytoy! [Inumekto kadi] ti dara+ dagiti lallaki a napan nangirisgo kadagiti kararuada?” Ket saan nga immannugot a manginum iti dayta.
Dagitoy ti banag nga inaramid ti tallo a nabileg a lallaki.
18 No maipapan ken Abisai+ a kabsat ni Joab nga anak ni Zeruia,+ isu idi ti pannakaulo ti tallopulo, ket inwaswasawasna ti pikana iti tallo gasut a napapatay, ket naaddaan iti pakasarsaritaan a kas kadagiti tallo.+
19 Nupay isu mabigbigbig nga ad-adda ngem iti dadduma kadagiti tallopulo, ket nagbalin a panguluenda, iti saad ti umuna a tallo saan a nakagteng.+
20 No maipapan ken Benaias+ nga anak ni Jehoiada+ nga anak ti maysa a maingel a lalaki, a nagaramid iti adu nga aramid idiay Kabzeel,+ isu kinabilna ti dua nga annak ni Ariel ti Moab; ket isu simmalog ket kinabilna ti maysa a leon+ iti uneg ti bito iti aldaw ti panagtinnag ti niebe.+
21 Ket isu ti nangkabil iti lalaki nga Egipcio a nalablabes ti kadakkelna.+ Nupay adda pika iti ima ti Egipcio, kaskasdi a simmalog a napan kenkuana nga addaan iti sarukod ket rinabsutna ti pika iti ima ti Egipcio ket pinapatayna babaen iti bukodna a pika.+
22 Dagitoy a banag inaramid ni Benaias+ nga anak ni Jehoiada; ket naaddaan iti pakasarsaritaan a kas iti tallo a nabileg a lallaki.+
23 Nupay mabigbigbig nga ad-adda ngem kadagiti tallopulo, iti saad dagiti tallo saan a nakagteng; ngem dinutokan ni David iti bukodna a para-guardia.+
24 Ni Asael+ a kabsat ni Joab maysa kadagiti tallopulo; ni Elhanan+ nga anak ni Dodo ti Betlehem,
25 ni Sammah+ a Harodita, ni Elica a Harodita,
26 ni Helez+ a Paltita, ni Ira+ nga anak ni Ikkes+ a Tecoita,
27 ni Abi-ezer+ nga Anatotita,+ ni Mebunnai a Husatita,+
28 ni Zalmon nga Ahohita,+ ni Maharai+ a Netofatita,
29 ni Heleb+ nga anak ni Baanah a Netofatita, ni Ittai+ nga anak ni Ribai ti Gabaa iti annak ni Benjamin,
30 ni Benaias+ a Piratonita, ni Hiddai kadagiti naapres a ginget ti Gaas,+
31 ni Abi-albon nga Arbatita, ni Azmavet+ a Bar-humita,
32 ni Eliaba a Saalbonita, ti annak ni Jasen, ni Jonatan,+
33 ni Sammah a Hararita, ni Ahiam+ nga anak ni Sarar a Hararita,
34 ni Elifelet nga anak ni Ahasbai nga anak ti Maacatita, ni Eliam nga anak ni Ahitofel+ a Gilonita,
35 ni Hezro+ a Carmelita, ni Paarai nga Arbita,
36 ni Igal nga anak ni Natan+ ti Zoba, ni Bani a Gadita,
37 ni Zelec+ nga Ammonita, ni Naharai a Beerotita, agaw-awit iti armas ni Joab nga anak ni Zeruia,
38 ni Ira nga Itrita,+ ni Gareb+ nga Itrita,
39 ni Urias+ a Heteo—tallopulo ket pitoda amin.
