2 Cronicas 21:1-20
21 Kamaudiananna nakikaidda ni Jehosafat kadagidi ammana+ ket naitabon a kadua dagidi ammana+ idiay Siudad ni David; ket ni Jehoram+ nga anakna nangrugi nga agturay a mangsandi kenkuana.
2 Ket naaddaan iti kakabsat, annak ni Jehosafat, da Azarias ken Jehiel ken Zacarias ken Azarias ken Miguel ken Sefatias, amin dagitoy ti annak ni Jehosafat nga ari ti Israel.
3 Iti kasta inikkan ida ti amada iti adu a sagut+ iti pirak ken iti balitok ken iti napili a bambanag agraman kadagiti nasarikedkedan a siudad idiay Juda;+ ngem ti pagarian intedna ken Jehoram,+ ta isu ti inauna.+
4 Idi a timmakder ni Jehoram a mangituray iti pagarian ni amana, pinapigsana ti saadna, ket ngarud pinapatayna amin a kakabsatna+ babaen ti kampilan ken kasta met ti sumagmamano kadagiti prinsipe ti Israel.
5 Tallopulo ket dua ti tawen ni Jehoram idi nangrugi nga agturay, ket iti walo a tawen nagturay+ idiay Jerusalem.
6 Ket nagtultuloy a nagna iti dalan ti ar-ari ti Israel,+ kas iti inaramid dagiti kameng ti balay ni Acab; ta nagbalin nga asawana ti mismo nga anak a babai ni Acab,+ ket intuloyna nga aramiden no ania ti dakes kadagiti mata ni Jehova.+
7 Ket ni Jehova saanna idi a kayat a rebbeken ti balay ni David,+ maipagapu iti tulag+ a pinatalgedanna ken David, ken kas iti sinaona a kanayon a mangted kenkuana+ ken iti annakna iti maysa a pagsilawan.+
8 Idi kaaldawanna immalsa ti Edom+ manipud sidong ti ima ti Juda+ ket kalpasanna pinagturayna kadakuada ti maysa nga ari.+
9 Gapuna limmasat ni Jehoram agraman dagiti panguluenna ken kasta met dagiti amin a karuahe a naikuyog kenkuana. Ket naaramid nga isu timmakder iti rabii ket kinabilna dagiti Edomita a nangpalikmut kenkuana ken kasta met dagiti panguluen ti karkaruahe.
10 Ngem intultuloy ti Edom ti iyaalsana manipud sidong ti ima ti Juda agingga itoy nga aldaw. Iti daydin a nangrugi nga umalsa ti Libna+ iti isu met laeng a tiempo manipud sidong ti imana, agsipud ta pinanawanna ni Jehova a Dios dagidi ammana.+
11 Isu nangaramid met kadagiti nangato a disso+ iti bambantay ti Juda, tapno matignayna dagiti agnanaed iti Jerusalem a maaddaan iti imoral a pannakidenna,+ ken tapno mapagtalawna ti Juda.+
12 Kamaudiananna dimteng kenkuana ti maysa a surat+ manipud ken Elias+ a mammadto, a kunkunana: “Daytoy ti kinuna ni Jehova a Dios ni David nga amam, ‘Gapu iti kinapudno a saanka a nagna iti daldalan ni Jehosafat+ nga amam wenno iti daldalan ni Asa+ nga ari ti Juda,
13 no di ket magnaka iti dalan ti ar-ari ti Israel+ ket tignayem ti Juda ken dagiti agnanaed iti Jerusalem a maaddaan iti imoral a pannakidenna+ kas met laeng iti wagas a panangtignay ti balay ni Acab a maadda ti imoral a pannakidenna,+ ket pinapataymo+ uray dagiti bukodmo a kakabsat, ti sangakabbalayan ni amam, isuda a nasaysayaat ngem sika;
14 adtoy! mangipaay ni Jehova iti dakkel a panangkabil+ kadagiti umilim+ ken iti annakmo+ ken iti assawam ken kadagiti amin a sanikuam.
15 Ket maaddaankanto iti adu a sakit,+ iti maysa a saksakiten dagiti bagismo, agingga a rummuaren dagiti bagismo gapu iti sakit iti inaldaw.’”+
16 Iti kasta riniing ni Jehova maibusor ken Jehoram ti espiritu+ dagiti Filisteo+ ken dagiti Arabo+ nga adda iti sibay dagiti Etiope.+
17 Gapuna simmang-atda iti Juda ket pinuersada a linuktan ket kinautiboda dagiti amin a sanikua a masarakan iti balay ti ari+ ken kasta met ti annakna ken ti assawana,+ ket awan nabati kenkuana a maysa nga anak no di ni Jehoacaz,+ ti inaudian nga anakna.
18 Ket kalpasan amin daytoy sinaplit ni Jehova kadagiti bagisna iti sakit nga awanan pannakapaimbag.+
19 Ket naaramid a kadagiti aldaw nga umay, uray pay idi nagngudo ti kapaut ti intero a dua a tawen, rimmuar dagiti bagisna+ bayat ti panagsakitna, ket nagin-inut a natay kadagiti nagdakes a sakitna; ket saan a nangaramid dagiti umilina iti panangpuor maipaay kenkuana kas iti panangpuor+ maipaay kadagidi ammana.
20 Tallopulo ket dua ti tawenna idi nangrugi nga agturay, ket iti walo a tawen nagturay idiay Jerusalem. Kamaudiananna pimmanaw a saan a natarigagayan.+ Gapuna intabonda idiay Siudad ni David,+ ngem saan a kadagiti lugar a pagitabonan ti ar-ari.+
