Napabaro ti disenio ti “Pannursuro ti Biblia” a seksion ti jw.org tapno nalaklaka a makita dagiti linaonna sigun iti topiko. Dagitoy ti sumagmamano kadagiti panagbalbaliw:

• Saklawen ti baro a subsection a “Historia ken ti Biblia” ti pannakaaywan, pannakaipatarus, ken pannakaiwaras ti Biblia ken no kasano a dagiti kabbaro a nadiskobre agtultuloy a paneknekanda nga umiso ti ibagbaga ti Biblia maipapan iti historia.

• Ilawlawag ti baro a subsection a “Talna ken Ragsak” no kasano a matulongannaka ti Biblia a mangsango kadagiti inaldaw a problema ken maaddaan iti naragsak ken natalna a biag uray no maipaspasangoka kadagiti nadagsen a problema.

• Ipakita ti baro a subsection a “Siensia ken ti Biblia” no kasano a paneknekan dagiti parsua nga umiso ti Biblia maipapan iti siensia.

• Napabaro ti disenio ti subsection a “Sungbat Dagiti Saludsod Maipapan iti Biblia” tapno nalaklaka a makita dagiti saludsod maipapan iti espesipiko a topiko.

• Nasuktan iti “Panagasawa ken Pamilia” ti subsection a “Tulong Para Kadagiti Agassawa ken Nagannak,” a mangted kadagiti makatulong a balakad manipud iti Biblia a mangpasayaat iti panagasawayo ken makatulong kadakayo a mangpadakkel kadagiti annakyo.