iKau ni iWasewase 12
E dau vakavulici ira na lewenivanua o Jisu ena itukutuku ni Matanitu vakalomalagi. E vakavulici ira tale ga mera masulaka me vakarokorokotaki na yaca ni Kalou, me yaco mai na nona Matanitu, me vakayacori tale ga e vuravura na lomana. Ke o itubutubu, vakamacalataka vei luvemu na yaga ni masu qo. E sega ni vinakata o Jisu me vakaleqa o Setani nona yalodina. A digitaki ratou nona yapositolo, o ratou na yavu ni Matanitu ni Kalou. Raica nona guta o Jisu na sokalou dina. E dau vinakata me veivuke, me vakabulai ira na tauvimate, vakani ira na walokai, e vakaturi ira tale ga na mate. Na cakamana kece qori e vakaraitaka na ka ena cakava o Jisu vua na kawatamata ni sa veiliutaki ena Matanitu ni Kalou.
ENA IWASEWASE QO
WASE 75
Vakatovolei Jisu na Tevoro
Vakatovolei Jisu Vakatolu na Tevoro. Na veivakatovolei cava soti? Na cava e tukuna o Jisu?
WASE 76
Vakasavasavataka o Jisu na Valenisoro
Na cava e cemuri ira kina na manumanu o Jisu mai na valenisoro qai vukica nodra teveli na dauveisauilavo?
WASE 77
Na Yalewa ena Toevu
Na cava e kurabui kina na yalewa ni Samaria ni vosa vua o Jisu ena toevu i Jekope? Na itukutuku cava se qai tukuna vakadua o Jisu?
WASE 78
Vunautaka o Jisu na Matanitu ni Kalou
E sureta eso na nona tisaipeli mera “gonedau ni tamata.” Oti e qai vakavulica e 70 tale na nona imuri mera vunautaka na itukutuku vinaka.
WASE 79
Levu na Cakamana i Jisu
Na vanua kece e lakova o Jisu, era lako vua na tauvimate qai vakabulai ira. E vakabula mada ga e dua na goneyalewa lailai mai na mate.
WASE 80
Digia o Jisu e Tinikarua Nona Yapositolo
Na cava e digitaki ratou kina? O nanuma na yacadratou?
WASE 82
Vakavulica o Jisu na iVakarau ni Masu
Na cava soti e tukuna o Jisu me ratou kerea tiko ga nona tisaipeli?
WASE 84
Taubale o Jisu ena Delaniwai
Ratou sa na qoroqoro mada ga na yapositolo ni ratou raica na cakamana qo.
WASE 86
Vakaturi Lasarusa o Jisu
E luluvu o Jisu ni tagi tiko o Meri. Ia sa na vakarau oti nodrau rarawa.