Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 WASE 4

Tini ena Laba na Cudru

Tini ena Laba na Cudru

Ni rau sa biuti Iteni o Atama kei Ivi, rau sa qai vakaluveni. E levu na luvedrau, na nodrau ulumatua tagane o Keni, e dauteitei. Na kena ikarua o Epeli, e ivakatawanisipi.

Dua na siga, rau cabora o Keni kei Epeli eso na isoro vei Jiova. O kila se cava na isoro? Qo e dua na mataqali iloloma. E taleitaka o Jiova na isoro i Epeli, a sega ni taleitaka na nei Keni. Qo e vakacudrui Keni sara ga. E kaya vua o Jiova me qarauna nona cudru, ni na cakava kina na ka ca. Ia e sega ni vakarorogo o Keni.

E kaya vei Epeli o Keni: ‘Daru lako mada ina lomanivanua.’ Ni rau tiko taurua ga e kea, e qai  mokuti tacina o Keni, mani mate. Na cava ena cakava o Jiova? E totogitaki Keni, e vakatalai koya me kua ni maliwai ratou nona vuvale. E sega ni vakadonuya me lesuvi ratou tale.

Na cava eda vulica? De dua eda na cudru ni sega ni yaco na lomada. Ke da cudru lo tiko, se vakasalataki keda e dua meda qarauna noda cudru, meda veisautaka totolo noda rai da qai lewa vinaka na lomada.

E lomani Jiova o Epeli, e dau caka dodonu tale ga; ena sega ni guilecavi koya kina o Jiova. Ena vakabulai Epeli tale ni sa parataisi na vuravura.

“Drau lai veivakameautaki mada kei tacimu, oti qai lesu mo vakacabora nomu isoro.”​—Maciu 5:24