Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 WASE 69

Sikovi Meri o Keperieli

Sikovi Meri o Keperieli

E dua na wekai Ilisapeci o Meri, e vakaitikotiko ena koro o Nasareci e Kalili. Sa musuki tu o Meri me wati Josefa, na matai. Ni vula ono nona bukete o Ilisapeci, a rairai vei Meri o Keperieli. E tukuna vua: ‘Bula Meri. Sa vakadonui iko o Jiova.’ E sega ni kila o Meri na ibalebale ni vosa qori, e qai kaya vua o Keperieli: ‘O na bukete, o na vakasucuma tale ga e dua na gonetagane, mo vakayacani koya o Jisu. Ena Tui, ena tawamudu nona Matanitu.’

E kaya o Meri: ‘Meu vakaluveni vakacava niu se sega ni veiyacovi kei na dua na tagane?’ E kaya o Keperieli: ‘E sega ni dua na ka e dredre vei Jiova. Ena sobuti iko na yalo tabu, ena dua na luvemu tagane. Sa bukete tale ga na wekamu o Ilisapeci.’ E qai tukuna o Meri: ‘Au yalewa dauveiqaravi i Jiova. Me yaco mada ga vei au na nomuni vosa.’

 E mani lako o Meri ina dua na koro ena veidelana me sikovi Ilisapeci. Ni kidavaki koya o Meri, e vakila o Ilisapeci ni lade na gone e ketena. E sobuti koya na yalo tabu qai kaya: ‘Meri, e vakalougatataki iko o Jiova. Au kalougata ni lako mai noqu vale na tinai noqu Turaga.’ E kaya o Meri: ‘Au vakacaucautaki Jiova mai vu ni lomaqu.’ E tiko e kea o Meri qai lesu i Nasareci ni oti e tolu na vula.

Ni kila o Josefa ni sa bukete o Meri, e via sereki koya. Ia e rairai vua e dua na agilosi ena tadra, e kaya: ‘Kua ni rere ni kauti Meri me watimu, e sega ni dua na ka ca e cakava.’ E kauti Meri sara o Josefa ina nona vale me watina.

“O Jiova e cakava na ka kece e via cakava mai lomalagi kei na vuravura.”—Same 135:6