Marcosba budata 16:1-8
-
Jesúsʼra beidata jenda piradrusi (1-8)
16 Sábado ewari berabarida tea María Magdalenaba, Santiago akuza Salomé papa Maríaumeba eda wansida nekare tuampuabuta, Jesús kakua maumba chiratuita.
2 Nruema diapeda semana jundruburude umandau untuzeda tea anyira wansida Jesús wuaganumuinu.
3 Mombe anyirai jarasida: “¿Kaun kãwũã mogara zromaba ananumura kaiba ãĩ buretai dayibari?”.
4 Mamina iyi wuaganumumae akubudadera undusida maun mogarara yi zroma basimina buretasidata.
5 Jesús wuaganumuinu jũẽburude anya undusida juwa arare kũrata jewedachuta maumbara wua torro drazoachuta jumbasi. Maun undui anyirai yi akutotosida.
6 Iya anyaa jarasi: “Peraraindua, marambara Jesús Nazarenota jurubarabu, iyira jenda piradrusi, neẽ namara. Akuidua iyi wuagadapeadamae.
7 Mamina waindua iyi kaidupanurainu akuza Pedroidu, anyaa jaraidua: ‘Iyira mara na wa Galileaeda, mama undudayi iya jarada kiranka’”.
8 Aramaunta anyira mamaumba wuemba wansida. Mejancha pididiakuanasi akuza mejancha sobiapanasi. Anyara wuabemarãrã kare jarada ẽ basi pera panasi baera.
