Yeremia 30:1-24
-
Amalayo ya kubwesha bankole no kubondapa (1-24)
30 Yehova aebele Yeremia ati:
2 “Yehova Lesa wa kwa Israele alanda ati, ‘Lemba mwi buuku fyonse ifyo nalakweba.
3 Pantu “mona! inshiku shileisa,” e fyo Yehova alanda, “ilyo nkalonganika bankole ba bantu bandi, Israele na Yuda,”+ e fyo Yehova alanda, “kabili nkababwesesha ku calo ico napeele ifikolwe fyabo, cikaba calo cabo na kabili.”’”+
4 Ifi e fyo Yehova aebele Israele na Yuda.
5 Yehova alanda ati:
“Natumfwa icongo ca bantu abaletutuma;Kuli ifya kutiinya, takuli umutende.
6 Ipusheni nga ca kuti umwaume kuti afyala umwana.
Nomba cinshi ico ndemwena umwaume onse naikata pa lufumo*Ngo mwanakashi uulepaapa?+
Cinshi ifinso fyabo fyonse fyalukiile?
7 Iye! Ubushiku bulya bukabipa nga nshi.*+
Takwaba ubwaba nga bwenaIkaba ni nshita ilyo Yakobo akacula.
Lelo akapusuka.”
8 “Kabili muli bulya bushiku,” e fyo Yehova wa mabumba alanda, “nkafumya ikoli pa mikoshi yenu no kulikontaula, nkaputaula ne ntambo, na bantu bambi bambi* tabakalenge akabe umusha* wabo na kabili.
9 Kabili bakabombela Yehova Lesa wabo na Davidi imfumu yabo uo nkabemisha.”+
10 “Kabili iwe we mubomfi wandi Yakobo witiina,” e fyo Yehova alanda,“Kabili witutuma we Israele.+
Pantu nkakupususha ninshi uli ukutaliKabili nkapususha na bana bobe mu calo umo baba bankole.+
Yakobo akabwela kabili akekala umutende. Takwakabe nangu umo uukalamutiinya,Takwakabe nangu cimo ico akalatiina.”+
11 “Pantu ndi na iwe,” e fyo Yehova alanda, “pa kuti nkupusushe.
Lelo nkalofya aba mu nko shonse umo nakusalanganishishe;+Nomba iwe nshakakulofye.+
Nkalinga pa kukusalapula.*Kabili nshakekale fye ukwabula ukukukanda.”+
12 Pantu Yehova alanda ati:
“Ifi wafunika tawakapole.+
Icilonda cobe te kuti cipole.
13 Takuli nangu umo uwa kukupaapaatilako,Takuli inshila ya kundapilamo icilonda cobe.
Takuli umuti wa kukundapilako.
14 Bonse abakutemwa sana nabakulabako.+
Tabalekufwaya.
Pantu ninkuuma nga filya umulwani oma,+Ninkukanda nga filya umunkalwe akanda,Pa mulandu wa filubo fyobe ifikalamba ne membu shobe ishingi.+
15 Cinshi ulelilila pa mulandu wa kuti naufunika?
Ukukalipwa kobe takwakapwe!
Pantu ifilubo fyobe fikalamba kabili imembu shobe shingi+Nine nkukandile.
16 E ico bonse abalekonaula nabo bakabonaula,+Kabili abalwani bobe bonse bakayaba bankole ku calo cimbi.+
Abalekwibila nabo bakabebila,Kabili bonse abalekupokolola ifintu, nabo bakabapokolola.+
17 “Lelo nkalenga ukabe no bumi ubusuma na kabili, kabili nkondapa ifilonda fyobe,”+ e fyo Yehova alanda,Nangu ca kuti balekwita abati uo bakaana:
Sione uo umuntu nangu umo ashifwaya.’”+
18 Yehova alanda ati:
“Moneni ndelonganika bankole ba mu matenti ya kwa Yakobo,+Nkomfwila amatenti yakwe aya kupepelamo uluse.
Umusumba bakaukuula cipya cipya apalundumana apo wali kale,+Kabili ulupungu ulwakosa lukaba apo lufwile ukuba.
19 Bakalaimba inyimbo sha kutootela kabili bakalasekelela.+
Nkabafusha, tabakacepe;+Nkalenga bakafule nga nshi.*Kabili tabakacepe.+
20 Abana bakwe bakaba nga filya fine bali kale,Kabili nkalenga bakabe abakosa pa ntanshi yandi.+
Nkakanda bonse abakalamucusha.+
21 Shimucindikwa wakwe akafuma mu bantu bakwe,Ne ntungulushi yakwe ikafuma muli ena.
Nkamusuminisha ukupalama, na o akapalama kuli ine.”
“Pantu nani uwingapalama kuli ine?”* e fyo Yehova alanda.
22 “Kabili mukaba abantu bandi,+ na ine nkaba Lesa wenu.”+
23 Moneni! Ubukali bwa kwa Yehova bukema ngo mwela uukalamba,+Bukaba nga kankungwe iileshinguluka pa mitwe ya bacita ifyabipa.
24 Ubukali bwa kwa Yehova ububilima ngo mulilo tabwakabwele,Mpaka akacite ifyo apanga mu mutima wakwe.+
Mu nshiku sha ku mpela mukeshiba umo ifi filolele.+
