Yeremia 10:1-25
10 Umfweni amashiwi ya kusoka ayo Yehova amwebele, mwe ba mu ng’anda ya kwa Israele.
2 Yehova alanda ati:
“Mwisambilila ifyo inko shicita,+Kabili tamufwile ukutiina ifishibilo fya mu muulu,Pantu inko shilafitiina.+
3 Pantu intambi sha bantu tashaba kantu.*
Cimuti fye ca mu mpanga ico batema,E lyo uwaishibisha ukubasa acibasa ku cibombelo cakwe.*+
4 Balaciyemfya ukubomfya silfere na golde+Kabili babomfya sando ne misomali pa kucipampamina pa kuti cikawa.+
5 Fyaba nge ca kutiinishako ifyuni mwi bala lya fibimbi, te kuti filande;+Bafisenda fye, pantu te kuti fyende.+
Tamufwile ukufitiina, pantu te kuti fimucite ifyabipa,Kabili te kuti fimucitile icisuma nangu cimo.”+
6 Takwaba uwaba nga imwe mwe Yehova.+
Mwalikulisha, ishina lyenu likalamba kabili lya maka.
7 Nani uushakamutiine mwe Mfumu ya nko,+ apo mwalilinga ukumutiina;Pantu pa ba mano bonse aba mu nko na pa mabufumu yabo yonse,Tapaba nangu umo uwaba nga imwe.+
8 Bonse tabakwata amano kabili balitumpa.+
Ifyo icimuti cisambilisha filenga abantu balakonkelela ifishaba kantu.*+
9 Silfere iyapaapaatala ifuma ku Tarshishi,+ na golde ifuma ku Ufasi,Abaishiba ifya kupangapanga na bakafula ba fyela balabika iyi silfere na golde ku filubi ifyo bapanga;
Abantu balafwika ifi ifilubi insalu ya bluu ne yakashikila.
Abacenjela mu fya kupangapanga e bapanga ifi ifilubi fyonse.
10 Lelo cine cine Yehova ni Lesa.
Ni Lesa wa mweo+ kabili ni Mfumu ya muyayaya.+
Pa mulandu wa bukali bwakwe isonde likatenta,+Kabili takwakabe inko ishikashipikisha ubukali bwakwe.
11 * Mwebe inko amuti:
“Tulesa utushapangile imyulu ne sondeBakatulofya pe sonde na mwi samba lya iyi imyulu.”+
12 E wapangile isonde ku maka yakwe,E walengele icalo cibeko ku mano yakwe,+Kabili pa mulandu wa kuti aleluka+ nga nshi ayanshile imyulu.
13 Nga alenga ishiwi lyakwe lyaumfwika,Amenshi mu myulu yalalulunkana,+Kabili alalenga amakumbi* yaima ukufuma ku mpela she sonde.+
Alenga kwaba inkuba ilyo imfula ileloka,*Kabili alenga umwela wafuma umo ausungila.+
14 Umuntu onse acita ifintu ukwabula ukutontonkanyapo kabili tamuba amano mu fyo acita.
Onse uufula ifyela bakamuseebanya pa mulandu ne cilubi ico apanga;+Pantu icilubi ca cela* ico apanga ca bufi,Kabili tamwaba umupashi* muli fyena.+
15 Fyena tafyaba kantu,* mulimo wa kusekwa.+
Ilyo ubushiku bwa kufikanda bukesa, fikaloba.
16 Lesa* wa kwa Yakobo taba nge fi fintu,Pantu ena E wapangile ifintu fyonse,Kabili Israele e nkonto ya bupyani bwakwe.+
Yehova wa mabumba e shina lyakwe.+
17 Longanika ifipe fyobe,We mwanakashi uo bashinga.
18 Pantu Yehova alanda ati:
“Moneni, ino nshita ndepoosa abekala mu calo,+Kabili nkalenga bakacule.”
19 We bulanda kuli ine pa mulandu wa kuwa kwandi!*+
Ifilonda fyandi tafipola.
Kabili nalandile nati: “Ubu bulwele bwandi, kabili mfwile ukubushipikisha.
20 Itenti lyandi nabalyonaula, ne ntambo sha kwi tenti shonse nabashiputaula.+
Abana bandi balinsha kabili tababapo.+
Tapaba nangu umo uwashalapo uwingantanikila itenti nelyo uwinganjimisha amatenti.
21 Pantu bakacema nabacita ifyabulamo amano,+Kabili tabepwishe Yehova.+
E co bacitiile ifyabulamo amano,Kabili impaanga shabo shonse nashisalangana.”+
22 Umfweni! Kuli ilyashi ilileisa!
Icongo icikalamba cilefuma ku calo ca ku kapinda ka ku kuso,+Cikalenga imisumba ya mu Yuda ikonaike kabili mukaleikala bamumbwe.+
23 Mwe Yehova, nalishiba bwino ukuti umuntu takwata amaka ya kuitungulula.
Te kuti atungulule nangu fye ni ntampulo shakwe.+
24 Mwe Yehova, beni no mulinganya pa kunungika,Lelo mwinungika ninshi namukalipa,+ pa kuti mwindofya.+
25 Pongolweleni ubukali bwenu pa nko ishishamubikako amano+Na pa ndupwa ishishililila kwi shina lyenu.
Pantu balisansa Yakobo,+Balimusansa ica kuti balefwaya ukumulofya,+Kabili balyonaula ne calo cakwe.+
Amafutunoti
^ Nelyo “sha fye.”
^ Nelyo “ku mbaso.”
^ Nelyo “balakonkelela ifya fye.”
^ Pa kubala icikomo 11 bacilembele mu ciAramaic.
^ Nelyo kuti yapilibula no kuti, “alenga kwaba ifipunda fya kufuminamo imfula.”
^ Nelyo “fubefube.”
^ Nelyo “icimpashanya icaengwa.”
^ Nelyo “umupu.”
^ Nelyo “fya fye.”
^ Mu ciHebere, “Icakaniko.”
^ Nelyo “pa mulandu wa kufunika kwandi.”
