AMAZWE NABANTU
Ukutyelela EBelize
EBELIZE kukho izinto ezininzi ezahlukahlukeneyo kwindawo nje encinane—ukususela kumahlathi ashinyeneyo ukuya kutsho kumanzi acwengileyo angqonge iziqithi ezininzi kunxweme lwalapho. Zisisiqalo nje sezinto ezininzi ezimangalisayo zaseBelize.
Kukho iintlobo ezininzi zeentaka nezilwanyana kweli lizwe. Phakathi kwazo kukho isikhwenene salapho esincinci esinemibala eqaqambileyo nehagu yasendle enempumlo efana nomboko wendlovu omfutshane, nekwaziyo ukuhamba ngesantya esiphezulu nangaphantsi kwamanzi! Kukwakho nesilwanyana ijaguar esithanda ukuzihlalela sodwa. IBelize inendawo eyaba yeyokuqala ehlabathini yokunyamekela iijaguar.
IBelize inendawo eyaba yeyokuqala ehlabathini lonke enyamekela iijaguar
IBelize yayikade ililizwe lohlanga lwamaMaya. Kwafika amajoni aseSpeyin ngeminyaka yee-1500 kodwa awazange awoyise ngokupheleleyo amaMaya. Kamva, amaNgesi aqalisa ukulawula lo mmandla waza ngo-1862 wamiselwa njengethanga leBritish Honduras. Ngo-1981 iBelize yafumana inkululeko.
Abantu baseBelize baziintlobo ezahlukahlukeneyo kanye njengendawo abahlala kuyo. Kukho amaCreole, amaNdiya aseMpuma, amaGarifuna, amaMaya namaMestizo. Abantu beli lizwe banobubele nembeko. Abantwana xa bethetha nabantu abadala badla ngokuthi, “Sisi” okanye “Bhuti” baze xa bephendula bathi, “Ewe, mama” okanye “Hayi, tata.”
Imarike yesiXeko saseBelize
EBelize, kukho amabandla amaNgqina kaYehova esiKriol saseBelize, isiLow German, isiMaya, isiNgesi , iNtetho Yezandla yaseMerika, iSpanish nesiTshayina esenziwe lula. KwiSikhumbuzo sokufa kukaKristu sango-2013, eBelize kwaya umlinganiselo womntu omnye kwabayi-40.
NGABA UBUSAZI? EBelize kukho ummandla ophantsi kwamanzi oziikhilomitha eziyi-290 ubude oneentyatyambo nezinye izinto eziphilayo. Lo mmandla uyinxalenye yalowo ukwindawo yesibini emhlabeni wonke ngobukhulu. Owona mkhulu yiGreat Barrier Reef eseOstreliya.
Ummandla ophantsi kwamanzi waseBelize uyinxalenye yalowo ukwindawo yesibini emhlabeni wonke ngobukhulu
Mhlawumbi Ungayithanda Nale
UVUKANI!
Ukutyelela ENew Zealand
Ngoxa iNew Zealand ililizwe elimi lodwa, nyaka ngamnye kufika iindwendwe ezimalunga neemiliyoni ezintathu. Yintoni ezitsalela kweli lizwe?
UVUKANI!
Ukutyelela EKazakhstan
Abantu baseKazakhstan babekuthanda ukufuduka baze bahlale kwiiyurts. Indlela abaphila ngayo ngoku ifana njani naleyo yakudala?
UVUKANI!
Ukutyelela ESpeyin
ISpeyin lilizwe elinabantu abahlukahlukeneyo ibe indlela ome ngayo umhlaba yahlukile. ESpeyin kwenziwa kakhulu okona kutya kuthandwayo ukodlula onke amanye amazwe ehlabathini.
UVUKANI!
Ukutyelela EKyrgyzstan
Abantu baseKyrgyzstan bathand’ iindwendwe yaye banembeko. Zeziphi izithethe zabo ezibonisa indlela abaphila ngayo?
UVUKANI!
Ukundwendwela ELiechtenstein
Yintoni ebangela ukuba eli lizwana lindwendwelwe ngabantu unyaka wonke?
UVUKANI!
Ukutyelela EUzbekistan
Funda ngeUzbekistan nangesizathu sokutshintsha kweealfabhethi zaseUzbek.
