Nahimiya 3:1-32
-
Dirssaa zaarettidi gimbbiyogaa (1-32)
3 Gita kahinee Eliyashibinne kahine gidiya A ishati Dorssaa Penggiya gimbbanawu denddidosona. Eti hegaa Xoossaa oosuwawu dummayidosonanne* A sanqqata aattidosona; eti he dirssaa Meꞌa Gimbbiya gakkanaashiininne Hananeela Gimbbiya gakkanaashin Xoossaa oosuwawu dummayidosona.
2 Etappe kaalliyagaa Yarkko asati gimbbidosona; qassi etappe kaalliyagaa Imira naꞌay Zakkuri gimbbiis.
3 Hassenaꞌa naati Moliya Penggiya gimbbidosona; eti qosilettaa essidosona, qassi gorddiyo koriyanne* hiraqota* giigissidi A sanqqata aattidosona.
4 Etappe kaalliyagaa Haqqoxa naꞌaa Uraya naꞌay Meremoti bottokoniis; qassi appe kaalliyagaa Meshezabeela naꞌaa Berekiya naꞌay Meshulami bottokoniis; appe kaalliyagaa Baꞌana naꞌay Xaadooqi bottokoniis.
5 Appe kaalliyagaa Teqoꞌa asati bottokonidosona, shin hayttatida eta asati bantta godati ootissiyoban hashetanawu* banttana ziqqissibookkona.
6 Paseha naꞌay Yoyadaꞌinne Besodeya naꞌay Meshulami Beni Katamaa Penggiya bottokonidosona; eti qosilettaa essidosona, qassi gorddiyo koriyanne hiraqota giigissidi A sanqqata aattidosona.
7 Etappe kaalliyagaa Shaafaappe Hefintta moottaa* haariyagee ayssiyo* Gabaꞌona* asatinne Mixipa asati, hegeekka Gabaꞌona asa gidiya Melaxiyinne Meronota asa gidiya Yadoni bottokonidosona.
8 Etappe kaalliyagaa, worqqaa tigiyageetuppe issoy, Harihaya naꞌay Uzziꞌeeli bottokoniis, qassi appe kaalliyagaa tisttettiyobaa* giigissiyageetuppe issoy Hananiyi bottokoniis; eti Aaho Gimbbiya gakkanaashin Yerusalaamen shuchchaa* hiixxidosona.
9 Qassi etappe kaalliyagaa Yerusalaame moottawu baggaa haariya, Hura naꞌay Refayi bottokoniis.
10 Harumafa naꞌay Yedayi appe kaalliya ba keettaa sinttan deꞌiyagaa bottokoniis, qassi appe kaalliyagaa Hashabiniya naꞌay Haxxushi bottokoniis.
11 Harima naꞌay Malkkiyinne Pahat-mooꞌaaba naꞌay Hashshubi hinkko shaahuwanne* Coociya Gimbbiya bottokonidosona.
12 Etappe kaalliyagaa Yerusalaame moottawu hankko baggaa haariya, Hallohesha naꞌay Shallumi ba macca naatuura bottokoniis.
13 Hanunaninne Zanohan deꞌiyageeti Wombbaa Penggiya bottokonidosona; eti hegaa gimbbi simmidi, gorddiyo koriyanne hiraqota giigissidi A sanqqata aattidosona, qassi Guufettida Bidinttaa Penggiya gakkanaashin 1000 wara* gimbbiya bottokonidosona.
14 Bet-hakkerema moottaa haariya, Rekaba naꞌay Malkkiyi Guufettida Bidinttaa Penggiya bottokoniis; I hegaa gimbbiis, qassi gorddiyo koriyanne hiraqota giigissidi A sanqqata aattiis.
15 Mixipa moottaa haariya Kolihoza naꞌay Shalluni Pulttuwa Penggiya bottokoniis; I hegaa gimbbidi appe bollaara kaaraa giigissiis, qassi gorddiyo koriyanne hiraqota giigissidi A sanqqata aattiis; hegaa bollikka, Kawuwa Ataakiltte Sohuwappe kaallidi deꞌiya Waaruwan Yiidi Dagattida Dalbbanttaa gimbbiya, Daawita Katamaappe duge wodhdhiyo Xekkaa gakkanaashin bottokoniis.
16 Appe kaallidi, Bet-xura moottawu baggaa haariya Azibuqa naꞌay Nahimee, Daawita Moogo Sohuwawu sintta baggaappe doommidi, asi giigissido dalbbanttaa gakkanaashiininne Wolqqaamatu Keettaa gakkanaashin bottokoniis.
17 Appe kaalliyagaa, Bana naꞌay Rehumi kaalli xeellin Leewati bottokonidosona; etappe kaallidi, Qeꞌila moottawu baggaa haariya Hashabiyi ba moottaa bottokoniis.
18 Appe kaalliyagaa, Qeꞌila moottawu hankko baggaa haariya, Henadada naꞌay Bawayi kaalli xeellin hara Leewati bottokonidosona.
19 Qassi appe kaallidi, Mixipa haariya Yeshuwa naꞌay Exeri, Tuuqiya matan Ola Miishshaa Wottiyosakko pude kiyiyosaappe sintta baggaara deꞌiya hara shaahuwa bottokoniis.
20 Appe kaalliyagaa, Zabbaya naꞌay Baruki, Tuuqiyappe doommidi gita kahiniya Eliyashiba keettaa geliyosaa gakkanaashin minni oottiisinne hinkko shaahuwa bottokoniis.
21 Appe kaalliyagaa, Haqqoxa naꞌaa Uraya naꞌay Meremoti, Eliyashiba keettaa geliyosaappe doommidi Eliyashiba keettaa wurssettaa gakkanaashin hinkko shaahuwa bottokoniis.
22 Appe kaalliyagaa Yorddaanoosa moottaa* kahineti bottokonidosona.
23 Etappe kaalliyagaa Biniyaminne Hashshubi bantta keettaappe sintta baggaa bottokonidosona. Etappe kaallidi, Ananiya naꞌaa Maꞌaseya naꞌay Azaree ba keettaa matan deꞌiyagaa bottokoniis.
24 Appe kaallidi, Henadada naꞌay Binuyi, Azariya keettaappe doommidi Tuuqiya gakkanaashiininne zooziya gakkanaashin hinkko shaahuwa bottokoniis.
25 Appe kaallidi, Uzaya naꞌay Palali, Tuuqiya sintta baggaanne Kawo Keettaara* oyqetti uttida, Naagiyageetu Dabaaban bolla baggaara deꞌiya gimbbiya bottokoniis. Appe kaallidi, Parosha naꞌay Pedayi deꞌees.
26 Qassi, Ofeelan deꞌida, Xoossaa keettan* haggaaziyageeti* arshsho baggan Haattaa Penggiyappe sintta baggaa gakkanaashin deꞌiyagaanne perzzi kiyida gimbbiya bottokonidosona.
27 Etappe kaallidi, Teqoꞌa asati perzzi kiyida gita gimbbiyawu sintta baggaappe doommidi Ofeela gimbbiya gakkanaashin hinkko shaahuwa bottokonidosona.
28 Kahineti Paraa Penggiyappe bolla baggaa, issoy issoy bantta keettaappe sintta baggaa bottokonidosona.
29 Etappe kaallidi, Immera naꞌay Xaadooqi ba keettaappe sintta baggaa bottokoniis.
Qassi appe kaalliyagaa, Arshsho Penggiya naagiya, Shekaniya naꞌay Shemayi bottokoniis.
30 Appe kaallidi, Shelemiya naꞌay Hananiyinne Zalafawu usuppuntta naꞌay Hanuni hinkko shaahuwa bottokonidosona.
Appe kaallidi, Berekiya naꞌay Meshulami ba gita kifiliyappe sintta baggaa bottokoniis.
31 Appe kaallidi, worqqaa tigiyageetuppe issoy Malkkiyi Xomoosuwa Penggiya matan deꞌiya Xoossaa keettan haggaaziyageetunne* zalꞌꞌanchchatu keettaa gakkanaashiininne zooziyan deꞌiya bolla bagga kifiliya gakkanaashin bottokoniis.
32 Zooziyan deꞌiya bolla bagga kifiliyappenne Dorssaa Penggiyappe gidduwa, worqqaa tigiyageetinne zalꞌꞌanchchati bottokonidosona.
Footnotes
^ Woykko “sheedhdhidosonanne.”
^ Hegeekka, gorddiyo mittaa woy birataa.
^ Woykko “qulppiyobata.”
^ Mise, “bantta qooriya gelissanawu.”
^ Woykko “Efiraaxiisa pinnidi.”
^ Mise, “araataaba gidiya.”
^ Woykko “Gibeꞌona.”
^ Woykko “shittuwa.”
^ Woykko “ciirido shuchchaa.”
^ Woykko “likettida shaahuwanne.”
^ Woykko geella, “matan deꞌiya moottaa.”
^ Woykko “Kawo Garuwara.”
^ Woykko “beeta maqidasiyan; Xoossaa garuwan.”
^ Woykko “Netinimeti.” Mise, “imettidaageeti.”
^ Woykko “Netinimetunne.” Mise, “imettidaageetunne.”
