Nahimiya 10:1-39
10 Hegan bantta maatafaa wottidi maayettidaageeti hageeta:
Hakaliya naꞌa gidiya biittaa haariya* Nahimiya,Qassi Zedeqiya,
2 Seraya, Azariya, Ermmaasa,
3 Pashihura, Amariya, Malkkiya,
4 Haxxusha, Shebaniya, Malluka,
5 Harima, Meremota, Abddiyya,
6 Daaneela, Ginnetona, Baruka,
7 Meshulama, Abiya, Miyamina,
8 Maꞌaziya, Bilggayanne Shemaya; hegeeti kahineta.
9 Qassi Leewati hageeta: Azaniya naꞌaa Yeshuwa, Henadada naatuppe Binuya, Qadimiꞌeela,
10 qassi eta ishantta Shebaniya, Hodiya, Qelixa, Pelahiya, Hanana,
11 Mika, Rehoba, Hashabiya,
12 Zakkura, Sherebiya, Shebaniya,
13 Hodiya, Bananne Benina.
14 Asaa kaalettiyageeti hageeta: Parosha, Pahat-mooꞌaaba, Elaama, Zatta, Bana,
15 Buna, Azggada, Bebaya,
16 Adoniya, Bigiwaya, Adina,
17 Axera, Hizqqiyasa, Azzura,
18 Hodiya, Hashuma, Bezaya,
19 Harifa, Anatota, Nebaya,
20 Magippiꞌasha, Meshulama, Hezira,
21 Meshezabeela, Xaadooqa, Yadduꞌa,
22 Pelaxiya, Hanana, Anaya,
23 Hosheꞌa, Hananiya, Hashshuba,
24 Hallohesha, Piliha, Shobeqa,
25 Rehuma, Hashabina, Maꞌaseya,
26 Ahiya, Hanana, Anana,
27 Malluka, Harimanne Banaya.
28 Asaappe attidaageetu giddon kahineti, Leewati, penggiya naagiyageeti, yexxiyageeti, Xoossaa keettan* haggaaziyageetinne* tumu Xoossaa Higgiya kaallanawu yuushuwan deꞌiya deretuppe banttana gaxayidaageeti ubbay, bantta machchotuura, bantta attuma naatuuranne macca naatuura, qassi eraynne akeekay deꞌiyogeeti* ubbay deꞌoosona.
29 Eti bantta ishanttuura, hayttatida asatuura issippe gididosona; qassi tumu Xoossawu haggaaziya Muuse baggaara nu Goday, tumu Xoossay Yihoowi Israaꞌeelatuyyo immido Higgiyawu eti azazettennaba gidikko, qassi A azazota ubbaa, A pirddatanne A wogata mintti naagennaba gidikko bantta bolli qanggettay gakkanaadan caaqqidosona.
30 Nuuni yuushuwan deꞌiya deretussi nu macca naata immokko, qassi eta macca naata nu attuma naatussi ekkokko.
31 Yuushuwan deꞌiya dereti bayzziyobatanne dumma dumma qommo kattaa Sambbata gallassi bayzzanawu ehiikko, nuuni Sambbatan woy hara geeshsha gallassan etappe aybanne shammokko. Nuuni laappuntta layttan kattaa murutissokko, qassi ay acuwanne aggi bayana.
32 Hegaa bollikka, nuuni huuphiyan huuphiyan nu Xoossaa keettaa oosuwawu layttan layttan issi shekiliyawu* heezzantta kushiya immanawu maacida,
33 hegee kuurido oyttaassa,* ubbatoo shiishshiyo kattaa yarshshuwassa, Sambbatatuuninne aginay xeeriyo wodetun ubbatoo shiishshiyo xuuggiyo yarshshuwassa, keerettida baalatussa, geeshshabatussa, Israaꞌeelatu nagaraa kammanawu shiishshiyo nagaraa yarshshuwassanne nu Xoossaa keettaa ooso ubbaassa.
34 Hegaa bollikka, Higgiyan xaafettidaagaadan, keerettida wodetun, layttan layttan, nu Xoossaa Yihoowayyo yarshshiyosan eettanawu nu aawatu keettaa maaran, kahinetuppe, Leewatuppenne asaappe nu Xoossaa keettawu mittaa ooni ehaana koshshiyakko eranawu saamaa yeggana.
35 Qassi nu gaden mokkida, koyro gakkida xeera kattaanne ubba qommo mittaa ayfetuppe koyro gakkidaagaa layttan layttan Yihoowa keetti ehaana,
36 hegaadankka, Higgiyan xaafettidaagaadan, nu naatuppenne nu mehiyappe bayra yelettidaagaa, qassi nu miizzaa, nu dorssaanne nu deeshshaa wudiyappe bayra yelettidaagaa ehaana. Nuuni hegeeta nu Xoossaa keettan haggaaziya kahinetukko ehaana.
37 Qassi liiqissibeenna nu kattaappe xeeraa,* nu imotaa, ubba qommo mittaa ayfiya, ooratti agido woyniyanne zaytiya kahinetukko nu Xoossaa keettaa minjja kifileta* ehaana koshshees; qassi nu goshsha gadee deꞌiyo katamatu ubban mokkida kattaappe tammaappe issi kushiya* Leewati ekkiyo gishshawu, nu gaden mokkidabaappe tammaappe issi kushiya etawu immana.
38 Qassi Leewati tammaappe issi kushiya ekkiyo wode, kahinee, Aaroona naꞌay Leewatu matan deꞌana bessees; qassi Leewati tammaappe issi kushiyawu tammaappe issi kushiya nu Xoossaa keetti, minjja keettaa kifiletukko* ehaana koshshees.
39 Ayssi giikko, minjja kifileti* Israaꞌeelatinne Leewatu naati kattaa, ooratti agido woyniyanne zaytiya imotaa ehaana koshshiyo soho, qassi Xoossaa keettaa miishshati, hegaadankka, haggaaziya kahineti, penggiya naagiyageetine yexxiyageeti deꞌiyoy yaana. Nuuni nu Xoossaa keettaa shenehoo gookko.
Footnotes
^ Woykko “Tirishata;” moottaa haariyagee xeesettiyo Parssetu bonchcho suntta.
^ Woykko “beeta maqidasiyan; Xoossaa garuwan.”
^ Woykko “Netinimetinne.” Mise, “Imettidaageetinne.”
^ Woykko geella, “akeekanawu danddayiya asa gamma gakkidaageeti.”
^ Hegeekka, Xoossaa sintti aattido oyttaa.
^ Woykko “koyro gaacettidaagaa.”
^ Woykko “qumaa miyo kifileta.”
^ Woykko “asirataa.”
^ Woykko “qumaa miyo kifiletukko.”
^ Woykko “qumaa miyo kifileti.”
